السلام عليكم
كنت اود احكى قصة زيارتى لمعرض اللوجان و بعض الاستفسارات ال بدور فى دماغى
لما رحت المعرض كان فى اثنين بيتفرجوا على العربية و كانوا بيناقشوا المندوب فى حاجة و هى ان العربية مفيش اهتمام للمصنع المغربى بحاجات بسيطة جدا و متشافه بالعين فما بالك بالمش متشاف على سبيل المثال اللحامات فى الصاج من داخل الكبوت وكان بيقول للمندوب ان ديه تحسها مرشوشه دواخل مش شغل مصنع ( فعلا شكلها غريب جدا ) كمان القوايم فى سقف العربية برضو ظاهره جدا و كمان علقوا على ازاى العربية مفهاش عزل لا من جوه ولا من بره!!!!!!
فعلا دى موجودة فى اللوجان بالذات داخل الشنطة تحت الموكيت على طرفى الاستبن وهى مش ضعيفة الكن فى عدم اهتمام بالاجزاء الغير ظاهرة زى تحت موكيت الشنطة
سابو موضوع الفنيشينج و راحوا يتكلموا ان 90 حصان ضعيفه مفروض ان تكون على الاقل 100 حصان عشان التسارع وكان بيقارن بالسبرانزا.
بس ال 90 حصان بيدوا تسارع كويس جدا بالعربية وانا الحمد لله بعمل باللوجان كل اللى انا عايزه ومن الثبات كمان
بعد كده مشيوا و قعدت فى صالون العربيه بصراحه العربيه مريحه قدام و ورا و كمان عليى عن الارض
من افضل مميزات اللوجان الراحة داخل المقصورة دة مفيهوش كلام العربية فعلا مريحة جدا جدا جدا بالذات فى الكنبة الخلفية متعة
ولكن شوفت صاجه بين العجلين شكلها غريب سالت المندوب قالى ان ديه عشان تحط تحتها الكريك!!!!! بصارحه شكلها وحش.
فعلا دة مكان رفع العربية بالكوريك او بالرافع الكهربى اللى بيكون فى مراكز الخدمة او البنزينات
شكله مش حلو لكن عملى جدا وبيبعد العربية عن احتكاك بالكوريك
وكمان لحظت ان صوت الابواب بتعمل صوت عالى جدا لما تتفتح وكمان لازم تقفل الباب جامد عشان يتقفل كويس بس متهيألى ان بتروح مع الوقت لما السوست تلين فياريت حد من ال معاهم العربيه من مده يقولنا ايه موضوع الصوت العالى.
بينعم مع الاستخدام .. انا دلوقتى عشان اقفل الباب مش محتاج غير ان انا اديله دفعة صغيرة بصبعى الصغير يعنى مفيش اى معاناه فى قفل البيبان وصوت قفلة الباب كويسة ومش مزعجة بس متهبدش الباب زيادة عن اللزوم وتقول الباب بيهبد
سالت المندوب على كمبيوتر الرحلات قالى انه الموجود بين العدادات و انا كنت متخيل انه موجود فوق الكاسيت كا ترفيه
كان فى حاجه برضوا مفهمتهاش من البرشوور بتاع العربيه فى جزء الاوبشن وحتى المندوب قالى معرفش وهى :
Adjustable height of steering wheel .
ارتفاع وانخفاض عجلة القيادة ودة اكبر دليل على ان المندوب اللى كان معاك مش فاهم حاجة
والعربيه سعرها زاد الف جنيه و العرفتو من اسعار قطع الغيار هى فانوس امامى ب 400 وشويه و الخلفى 225 و قال شويه حاجات تانى بس بصراحة مش فاكر.
كلام صحيح 100*100
سالت المندوب عن عربيات غير اللوجان هتنزل من غيلا جمارك عن طريق المعض قالى لأ احنا متفقين على اللوجان بس.
فى المعرض لا لكن فى عربيات تانية نازلة على شهر 6 ودة كلام حقيقى
ده كان كل الحصل فى الزيارة تقريبا ياريت أقرأ تعليق خبراء الرينو و أصحاب اللوجان ( زملاء المستقبل ان اشاء الله ).
أسف على الاطالة