هههههههههههه ptmnlo123per145
لاء بص بجد بقى ممكن تعمل ايه
اسهل حاجة ممكن تبداء بالعفشة
اول حاجة تتعلم تفك الكاوتش كله وتغير اماكنه Tyre rotation
بعد كده تعرف تفك صرة الطنابير الخلفية وتنظفها بعدين تتعلم تغير التيل الامامى والخلفى
بعدين تنزل تحت العربية تأرط على العفشة
بعدين تعرف تغير فلاتر هواء - زيت - وبنزين
بعدين تعرف تغير بوجيهات او تفك بوابه الانجكشن وتنظفها
طبعاً الحاجات ديه كلها محتاجه تقراء عنها الاول وبعدين تشوفها وهى بتتعمل قدامك وبعدين تبداء تعملها تحت اشراف حد مجرب قبليك
فيه حاجة انا كنت بعملها كانت ظريفة اوى
كان جمبنا ورشه ميكانيكا فيها عيل اسمة (مسمار) صبى ميكانيكى عنده يجى 15 سنه او اقل بس شاطر كنت باخدوه من الورشه يساعدنى فى فك وتركيب الحاجات بيومية كده وبصراحة كان شاطر وسعات حافظ وفاهم اكتر منى
وبكده بقيت اقدر افك واركب ومعايا حد فاهم وبيسمع الكلام وصبى يساعدك ويشيل ويودى
فانت ياما تاخودها واحدة واحدة تشوف عند الميكانيكى وتطبق فى اقل الحدود او تشوفلك (مسمسار) صغير انت كمان
