رد: على بركة الله :)
بص يا باشا..
عشان تجيب زيرو نضيف نوعا ما لازم اضعف الايمان تجيب عربية الشعب المنتشرة دلوقتي و هي الفيرنا و دي سعرها تقريبا 65 الف جنيه و بالتقسيط شوف هتقف عليك بكام و برضه عربية ظهرلها عيوب في بعض النسخ زي الحدفه و طبعا عيب عدم الثبات معروف عنها غير الجنط بتاعها المصري الخفيف جدا اللي بيتلوح بسهوله من المطبات العنيفه في بلدنا !!
هتجيب صيني ب 50 الف هتبقي وقعت في مطب الله اعلم ربنا هينجيك منه ولا لا لان في ناس اشتكت من العربيات دي بصورة بشعه و ناس مشيت معاها معقولة
فا انا الحل الامثل في رأيي انك تجيب مستعمل في حدود 25-30 الف و بعد هبوط الاسعار المبلغ ده هيمكنك انك تجيب حاجة كويسه
يعني لو مسكنا كل عربية من اللي قلتهملك
هتلاقي الجولف عربية مقبولة شكلا جدا ثبات علي الطريق ممتاز اعتمادية ممتازة اي تظبيط بسيط زي جنط سبور او كده بيخليها تحفه و قطع غيارها سعرها معقول و منتشرة في كل حته
الابيزا ينطبق عليها نفس الكلام لان الابيزا 94 نسخة من الجولف 2 في الميكانيكا و بعض اجزاء من جولف3 فيما عدا فرق الشكل و صاج الجولف اجمد شوية
الاكسنت 99 حلوه مش وحشه و ثباتها مش وحش و سحبها حلو و موفره في البنزين لانها انجكشن
السويفت انا شخصيا مبحبهاش ولا بطيقها و كانت معانا و اتباعت اول ما جت الابيزا بس لو عاملتها كويس هتمشي معاك تمام
__________________
IBIZA
|