|
سؤال بخصوص السياره الهيونداي اتوس؟؟ حد عارفها !!!
بسم الله الرحمن الرحيم
الاخوه الاعزاء اعضاء المنتدي الكريم مصر موتورز و اخص متندي الهيونداي تحيه طيبه و بعد ,
انا كان معايا سياره لانوس موديل 2002 و بعتها لظروف و الحمد لله و نظرا لقله امكانياتي الماديه في الوقت الحالي محتاج اشتري عربيه تكون بنت حلال و مهرها مش غالي  قصدي سعرها مش غالي و طبعا اقتصاديه في البنزين و قطع الغيار و مريحه في السفر و طبعا كماليات و كده يعني .... المهم بدون تطويل واحد صاحبي قاللي علي العربيه الهيونداي الاتوس موديل 1998 و قالي انها عربيه معقوله و بنزينها مش وحش علي اعتبار انها 1000 سي سي تقريبا و عاليه الي حد ما نظرا لظروف شوارع مصر المحروسه فكنت عايز اعرف ايه راي حضارتكم في الموضوع ده من حيث مواصفات العربيه و امكانيتها و كماليتها و قطع غيارها و وسع صالونها لاني يصراحه معرفش عنها اي حاجه و برضه سعرها بالتقريب ممكن يكون في حدود كام او الرينج من كام لكام تقريبا و طبعا بشكركم مقدما
|