رد: تعلية السيارة - العفشة
أنا فى رأيي....ملهاش غير أنك تجيب جنط 15 بوصة بدل ال 13 بس لازم تشوف حد بيفهم عشان يقولك أيه أكتر مقاس كاوتش هينفع مع الجنط ال 15 ويعلى العربية بس من غير ما يحك فى الرفارف مع المطبات أو عند كسر الدركسيون.
مع العلم أن كل لما تكبر الجنط لازم تاخد بالك أكتر فى المطبات والحفر والنقر عشان بيأثروا أكتر على العفشة.
يعنى غالباً الجنط ال 15 هيكون أتقل من ال 13 الأصلى على العفشة ألا لو نوع كويس....هيكون نفس الوزن تقريباً ان مكنش أخف كمان ....بس نصيحة أبعد عن الحاجات الصينى
ممكن كمان تركب عالايات ( حتة كاوتش بتركب فوق السوستة عشان تعلى العربية ) بس برضه لا أنصح بيها عشان بتخلى العربية تعوم أكتر ومبتبقاش ثابتة.
التعديل الأخير تم بواسطة tronky ; 18-11-2008 الساعة 11:07 AM
|