[funnymickey]

المشاركة الأصلية كتبت بواسطة m.aligamal يباشا اتكل على الله و هات كريستاله و لن تندم باذن الله بس تاكد من الامور الاتيه اولا العربيه فبريكا دواخل و مش مهم رشه بره ولا لا عشان مش معقول عربيه بقالها 12 سنه و فبريكا كامله الا بقا لو كانت مش بتمشى ثانيا اكشف على كبس الموتور و اتاكد انه مش مرشح زيت و جرب قيادته و شوف بنفسك تسارعه و نعومه النقلات معاك لان العربيه دى بالذات ناعمه جدا ثالثا:ليس هناك ما يمنع من انك تبص عالعفشه كامله و دى هتعرفها عن طريق عفشجى يبصلك عليها او انك سايق و مش سامع اى خبط او رزع فى العربيه و بالمره تبص عالكاوتش و حالته لان الكاوتش لو عايز يتغير هيعدى الالف جنيه رابعا الصالون و حالته يعنى ميكنش متبهدل و الكراسى تعبانه يكون معقول اذا لاقيت الحاجه دى اتكل على الله و اقصى مبلغ تدفعه 48 الف بالحاله الممتازه غير كده لو مصمم عالعربيه يبقى تنزل فى السعر للحد الى يسمح بترويش العربيه بمعنى انك لو هترش بره نزل من 500 الى 1000 ولو هتعمل كسوه للصالون نزل 400 لو كاوتش تنزل 500 لو عفشه مساعد او كوبلن تنزل 400 او 200 للكوبلن باختصار العربيه باقل فلوس بتتشد و قطع غيارها متوافره و رخيصه و عربيه بريستسج و شكل و اداء و تقلقش من 1300 موتور بتاعها كويس جدا عن تجربه و سحبها ممتاز مش هتحس انها 1300 ابدا وحاجه اخيره و ميزه فيها مش عيب انك ممكن تمشيها 80 ايوه بنزين 80 و شغاله معايا و الحمد لله لا يوجد مشاكل منها بس استنضف بنزينه و متغيرش غير فيها وبتعمل معايا الكريستاله و اوتو كمان على بنزين 80 حوالى 200 حوه و بره مجربتش على سريع فى الصفيحه طبعا وصدقنى لن تندم عليها ابدا

ميال لرأيك جدا جدا وفعلا عن تجارب الناس هنا ملاحظ ان قطع الغيار رخيصه فعلا
وحتتشد بسهوله ولكن اللي مخوفني اني افتقر للخبره في العربيات
والفرصه ان الواحد يطمن للعربيه صعبه يعني مش ممكن حد حيرضي ييجي معايا للعفشجي والميكانيكي والبنزينه عشان اشتري منه
وفي الحاله دي سهل جدا يضحك عليا واشيل العربيه بقي وساعتها حقعد اصرف عليها طول حياتي بس يعني
الكريستاله عربيه بحبها من صغري وفعلا نفسي اشتريها بس خايف ومقلق فعلا ده غير الاسعار اللي فوق قدرتي الماديه وشكرا ليك بجد علي رأيك

المشاركة الأصلية كتبت بواسطة POP EL GAMED باشا لو انت قلقان من الكريستاله اللى هى فعلا اسعارها مبالغ فيها اوى يعنى حقيقى العربيه حلوه انما مش عارف ليه الناس بتبالغ فى سعرها ممكن تجيب كيا سيفيا عربيه جميله نوبيرا 2001 2002 بس الكورى (نوبيرا 2) نيسان صنى 99 (عربيه حكايه وفى رأى الشخصى هى احسن من الكريستاله) رينو كليو وهتكون موديل حديث يعنى ممكن فى حدود ال50 تجيب واحده 2006 كويسه اعتقد ان دى افضل عربيات فى الفئه السعريه دى(بالاضافه للكريستاله) حضرتك ممكن تقارن بينهم من كل النواحى وربنا يوفقك بأذن الله للخير

انا بحب السيفيا وشكلها حلو بس مش اد ما بحب الكريستاله اما النوبيرا فبكرهها جدا وعربيه خفيفه
النيسان بما انها ياباني طبعا فقريبه من قلبي زي الكريستاله بس ياتري دي كمان بقي اسعارها ايه وقطع غيارها عامله ايه في السوق

المشاركة الأصلية كتبت بواسطة osama_ruan نصيحة هات لانوس 2006 او 2007 كاملة فبريقة برة وجوة بالمبلغ دة وادعيلي وسيبك من العربية الي بقالها عشر سنين ماشية وادعيلي

يعني اما نحط اللانوس والكريستاله في مقارنه مع بعض اللانوس تكسب؟
رأيي لا
واحب اعرف ليه اخترت اللانوس بالذات