المشاركة الأصلية كتبت بواسطة porto
بص ياباشا
طبعا النوبيرا ارخص عربيه فى فئتها بس فيها عيوب:
الرشاشات بتبوظ على طول يعنى كل 60 الف عاوز تغير طقم رشاشات
والمارش لما الرشاشات تتكتم طبعا بتطول على ما تدور وبالتالى المارش بيتاثر ةيتحرق بعد فتره.
الفرامل مش حلوه خالص العفشه مع الحموله بتبقى وحشه .
وطبعا الفتيس الاتوماتيك زباله زباله .
مميزاتها : واسعه من الداخل وموتور شديد جدا وسرعه قصوى عاليه
سعر رخيص بالنسبه للفئه بتاعتها 76000 المانيوال
وطبعا متقدرش تقارنها بعربيه تانيه. لان مافيش عربيه من نفس الفئه بنفس السعر.
وحاول تفكر فى حاجه تانيه .
وبالنسبه للسعر العربيه بتخسر كتير لما تيجي تبعها يعنى لو 2005 بتتباع تبقى فى حدود 55000
والاقبال عليها مش حلو ولا حاجه . انزل السوق وهتلاقى الف واحده واقفه وملفيش حد بيشترى
وربنا يوفقك .............
|
كلام سليم 100 %
واحب ازود جزء من تجربتى مع النوبيرا
اولا : غير اقتصادية بالمرة ف البنزين
ثانيا : غير ثابتة على الطريق . ودى تقدر تلاحظها بسهولة بعد ما تعدى الـ 80 !
وعلى الـ 120 بـتتحول لـتوك توك فاقد السيطرة ptmnlo123per160
ثالثا : العفشة مع الحمولة بتبقى اكبر مشكلة
رابعا : احيانا بسمع صوت ف علبة الدريكسيون " طقطقة " لما بلف على سرعات بطيئة
خامسا : لم اقارنها من ناحية درجة الحرارة بالنسبة لفئتها . انما قارنتها باللنسر 2007 فى مسافة 100 كيلو تقريبا - النوبيرا بتسخن بشكل غريب اما اللانسر سخونيتها طبيعية علما ان النوبيرا موديل 2008 واللانسر 2007
من ناحية السعر ممتازة . وفى الاستعمال معقولة .. ومع الصيانة المستمرة زي ما قالوا الاخوة
هتبقى ممتازة وهتتجنب مشاكل كتير بخلاف استهلاكها للبزين
الافضل فى فئتها من وجهة نظرى ---- > اوبترا