[AbOnOrA]

منقدرش ننكر اننا عايشين فى مجتمعات اقل تحضراً من المفروض ده بالاضافة لتدنى مستوى معيشة الفرد وديه حاجات بتجتمع ضد مطالب واحتياجات ذوى الاحتياجات الخاصة

انا كان لى صديق مصرى اتولد فى السعودية ووالدة كان بيشتغل هناك وميسور الحال فقدر يعلمة كويس وقدر يلاقيله وظيفة معقولة وبالتالى قدر يشترى عربية مجهزة وكان بينزل بيها مصر وللامانة انا فى الاول كنت بخاف من سواقتة بس بعد كده بقيت ابصم بالعشرة لسواقتة خاصة بعد ما شوفتة بيسوق عربيات غير مجهزة باستخدام العكاز فقط للضغط على الدواسات (بس كانت اتوماتيك) وكانت عربية شيفرولية قوية جدا انا بصراحة كنت بخاف من دوسة البنزين بتاعتها وقوتها

فى نفس الوقت اذكر صديق اخر كان معايا فى الثانوى وكان بيعيد للمرة التالتة او الرابعة وكان كل حياتة منصبة فى عمل المقالب وجمع الشباب الشقى والمشاكس حواليه علشان يحس بفرض سيطرته على الناس وكان دايما عصبى وانفعالى وكتير كان بيتخانق مع اى حد لو لزم الامر وللحق برضو كان ناجح فى ده جداً

اللى عايز اقولة من المثالين دول اولاً ان الامكانيات بتفرق بلا شك بس الاعاقة الحقيقية هى اعاقة نفسية وشخصية اذا الشخص قدر يتجاوزها هيعيش بشكل طبيعى وهيستمتع بحياتة ويكسب اصحاب ويبقى له حياة طبيعية

وتأكد ان كلنا مبتلى لكن ذو الاحتياجات الخاصة ابتلائه واضح لاعين الناس لكن صدقنى هتلاقى ربنا ميزك بمواهب خاصة تقدر بالجهد والاصرار تطويرها والاستفاده منها

اهلا بيك يا محمد فى مصر موتورز ويارب اللى عنده سيارة مجهزة يتفاعل معاك لتحقيق امنيتك وياريت تعتبرنا اصدقاء ليك دايماً وياريت تشاركنا اعمالك الابداعية فى مجال التاليف كما ذكرت