رد: ألحقونى قبل ما جوزى يرجع فى كلامه
المشاركة الأصلية كتبت بواسطة Dr. Bolbolan
لآ لآ لآ التوتر والآعصاب اللى زى ...... ماتنفعش فى الحالات دى ! هى مجرد سياره زيها زى أى كنبه فى البيت
ولو لك نصيب فيها ح تكون لك ! و عاوزه أعصاب هاديه علشان سياره سريعه و ممكن تسرق القائد بسهوله !
يعنى أنا قدتها مره واحده فى حياتى و كانت مانيوال أنا خفت من سرعتها و خفتها بالرغم من خبرتى الطويله
فى قيادة كل أنواع السيارات ! وخللى بالك ح يكون معاكى أولادك ! فأنصحك بالهدوء و التروى وبلاش الرجل
التقيله على الآقل فى الآول لغاية ما تخدى على مقاساتها و حساسية موتورها و سحبها ! علشان كده قلت لك يفضل
الآوتوماتيك علشان بيخللى تركيز السائق أسهل و أفضل و بدون تفكير فى النقله الجايه ولخبطة الرجلين !
Dr. Bolbolan ptmnlo123per122
|
تصدق بالله انا قبل كده من حوالى سنتين صممت وقولت لجوزى عاوزه عربيه وأصريت على واحده معينه كنت وقتها هاجيبها مستعمله وشوفتها وركبتها وجربتها وكله تمام ورجعنا للراجل عشان ندفع ونمضى العقود
فالراجل بيقولى بطاقتك لو سمحتى عشان نكتب العقد روحت باصه لجوزى وقولتله مش عاوزاها الراجل بقى مذهول ولما روحنا قولت لجوزى مش عاوزه عربيات خالص وجاتلى سدة نفس لمدة السنتين دول
الخوف أنى النهارده طول اليوم كل ما الميعاد يقرب أحس بنفس الاعراض خايفه ونفسى مسدوده عنها بس جوزى موصر لدرجة انه قالى خلاص براحتك أنا كده كده هانزل أجيبها حبيتى تاخديها اوك ما حبيتيش انتى الخسرانه
خايفه مووووت من المسؤليه والسواقه والاولاد معايا مع أنى سوقت بيهم مليون مره وأكثر من نوع عربيه ومن ضمنهم أكسنت بس موديل 2000
أدعيلى ربنا يعدى الكام يوم دول على خير
__________________
لاغنى كالعقل .. لا فقر كالجهل .. لا ميراث كالأدب .. لا ظهير كالمشاوره.
- من اصلح سريرته .. اصلح الله علانيته
- لا تستحي من إعطاء القليل فإن الحرمان أقل منه
- العفاف زينه الفقر والشكر زينه الغني
من أقوال سيدنا على رضى الله عنه
|