[Dr. Bolbolan]

المشاركة الأصلية كتبت بواسطة شادي2007 ومالو !!!!!!!!!!!!!!!!!!! يعني لما الوزير يوفر 70% من الموازنة و يخليها من حصيلة الضرايب احسن ما تكون النسبة دي من المعونات الأمريكية او المعونات الخارجية يعني مننا فينا يعني اموالنا الي بندفعها ضرايب بينصرف عليها في الدولة و بيندفع منها مرتبات الي بنقبضها احنا برضه مش كدة ولا ايه علي فكرة ببقي مكسوف اوي من نفسي لما بأعرف ان السيد الهمام المفدي زعيم دولة كلاطاطا راح يشحت و يمد ايديه للغرب عشان كام مليون دولار يمشي بيهم امور الدولة المهببة لكن الصح ايه اننا نعمل علي الأكتفاء الذاتي من مآكل و مشرب و مسكن يعني الدولة تعمل جاهدة علي توفير كل دا من مصر و من خير مصر و دا الي بيوفره وزير المالية ايه يعني لما ادفع 10% من صافي الربح بتاعي بعد خصم مبلغ 5000 جنيه اعباء عائلية في السنة دا غير مصاريف التشغيل بتاعة الشركة من كهرباء و انارة و عمالة و غيرها يعني و الله الدولة كتر خيرها اوي بس الكبار بلاش يسرقو و هي تعمر اكتر

المشاركة الأصلية كتبت بواسطة شادي2007 امال يا بيه انت عاوز الدولة تشتريلك ارض و كمان تبنيهالك و تشطبهالك و تجوزك و تأكلك و تشربك و ترضعك و كله ببلاش اذا اردت ان تطاع فأأمر بالمستطاع الدولة بتاخد منك عشان تصرف عليك امن و دفاع مدني و صحة و تعليم وكل شيء يعني بسلامتك عارف تكلفة تعليم الطالب كام و مصاريف الدراس الي بيدفعها كام وة بتتغطي منين و غيره و غيره

شوف يا أبو شادى ! أنا شايف ردودك على الاخوه تتسم بالحده كما لو كنت ابن عم المذكور ( بعيد عن السامعين ) !

و أحب أؤكد لحضرتك ان انتقادات الناس هنا و فى أى صحيفه أو منتدى آخر لهذا الشخص ليست مبنيه على

منظور دينى ( وانت فاهمنى ) !

أنا معاك المعونات مرفوضه و اراقة ماء الوجه مرفوض لا من رئيس ولا من تيس ! ولما يتم توفير 70% من الموازنه

من حصيلة الضرائب ده شىء جيد و سىء فى نفس الوقت ! جيد لو معظم هذه الحصيله من أمثال عز اللى دخلهم

بالمليارات و حصيلة ضرائبه لوحدها 200 مليون جنيه فقط ! وسىء لو معظم هذه الحصيله من مرتبات الموظفين

الغلابه اللى ما يقدرش يعترض على اقتطاع جزء كبير من مرتبه الضائع أصلا كضريبه ! و ضرائب على المحلات

الصغيره وأصحاب المشاريع البسيطه و كل من لا يستطيع اظهار العين الحمراء للحكومه ! شىء جيد لو استقطاع

الضرائب يتم بالعدل و بنسبه تتسم بالعداله ! يا فرحتى ويا فرحة الشعب اللى ح ياكل بعضه من الفقر والعوز ان 70%

من موازنة الدوله من جيبه و من قوته و قوت عياله ! بدل ما تبقى من ناتج مشاريع قوميه انتاجيه و من قناة السويس

و من البترول والغاز اللى بيتصدر رخيص أرخص من الهواء ! تقدر تقول لى حضرتك ( وبلاش سعادتك زى ما قلت)

( فى ردك للآخ السابق ) ! لو حضرتك معاك 100 ج وتضع فى جيب القميص 20 ج و جيب البنطلون اليمين 15 ج

و الشمال 10 و المحفظه 50 ج و كل شويه تشيل جزء من الجيب ده و تحطه فى الجيب التانى و عمال تعمل تباديل

و توافيق لكن لم تضيف اليهم شيئآ من خارج هدومك ! يعنى ماشتغلتش و أخدت أجلر من شخص غريب و ما خترعتش

اختراع و بعته وأخدت ثمنه و هكذا و فى نفس الوقت بتاكل و بتشرب و يمكن بتسكر كمان ! الموازنه بتاعتك ح تزيد

ازاى ؟؟ ده تشبيه لحالة الدوله ! بتاكل فى نفسها ! بتكسب منها فيها مكسب ظاهرى كاذب ! زيادة الموازنه الحقيقيه

يا باشا انى أكسب فلوس من خارج مصر و أدخلها مصر ( زيى كده ولا مؤاخذه ) مش أصرفها بره مصر ولا أضعها

فى بنوك سويسرا ! نيجى بأه لموضوع الشقق أنا معاك الدوله غير مسئوله عن بناء مساكن و تسكين الناس ! لكن

مسئوله انها تعمل مصانع حديد و أسمنت و ترخص مواد البناء علشان الناس تبنى بسهوله ! و كمان الدوله مش مسئوله

ترضع الناس زى ما حضرتك قلت للآخ بما يعتبر قذف فى حقه ممكن تسأل عنه أو يترد عليك فيه ! ولكن الدوله مسئوله

انها برده تعمل مصانع كسب و علف علشان البهايم تكتر و اللبن بتاع الرضاعه و الآكل المحترم يبقى فى متناول الناس

العاديه ! مين قال ان الدوله بتاخد منك علشان تصرف عليك زى انت مابتقول ؟ انت بتدفع ثمن الكهرباء والماء والمرور

و تراخيص البناء وثمن الدواء و جمارك على السيارات بالضعف و الضعفين و ضرائب عقاريه و ضرائب تجاريه

وضرائب مبيعات و ضرائب من المنبع و من الطراطيف ! عايز ايه تانى ! لو احنا زى كندا مثلا و بأدفع نصف مرتبى

ضريبه ! ح أبقى مبسوط ! ليه ؟؟ لآن الباقى من مرتبى ح يسمح لى أعيش عيشه كريمه وأسافر الخارج سياحه كمان !

وتأمين صحى حقيقى واسعاف بالهليكوبتر و مميزات لا تتخيلها ! أما الوضع هنا فهو يشبه " مافعله المريض بالميت " !

و ياريت لما تقول رد تانى تحاول ما تجرحش زملائك فى المنتدى ! ( رغم أنك لم ترد على شخصيآ ) !

Dr. Bolbolan ptmnlo123per122