[عبدالرحمن المتوكل]

المشاركة الأصلية كتبت بواسطة isaac1963 اهم واحد في اي مصلحه حكوميه هو بتاع البوفيه متروحش للموظف ادخل علي البوفيه وعرفه انت عايز ايه علي متشرب القهوه يكون ورقك خلص وكله بحسابه الطريقه دي مجربه ومفعولها اكيد

هذه المشاركه كانت السبب فى استخراج الرخصه بعد يوم واحد فقط من السقوط فى امتحان الاشارات ptmnlo123per172 أيه اللى حصل بالظبط؟؟؟ أحكلكوا اللى يحصل يمكن يكون فيه افاده لحد.

اليوم الاول قلت اعتمد يا واد على نفسك وطلع الرخصه من غير وسطه ولا رشوه انت بروفسير فى القياده وخبره اريعتاشر سنه قياده واهو منها توفر قرشين تصرفهم على ست الحسن والدلال تفرحها بفانوس ولا كربارتير جديد دى بنت حلال وبترضى بقليلها.....المهم مطولش عليكوا ورحت الصبح بدرى ع المرور ودخلت امتحان الاشارات وجدت سيده حيذبون عندها تسعه وتسعين سنه انما ايه...عقر...المهم جلست على الكمبيوتر جابتلى الاسئله وقالتلى عيش حياتك....وهبه على ما قريت السؤال الاول وملحقتش حتى اقرا الاختيارات الصفحه اتقلبت على السؤال الثانى فى السؤال التانى قلت لازم اكون سريع مينفعش الكلام دا كدا هسقط ...وقريت السؤال التانى وقبل ما أفكر فى الاجابه كان السؤال عدى وجالى التالت...قلت مبدهاش اختار وزى ما تيجى تيجى....وارزع أى اجابه يا معلم ولم أفق الا على صوت الحيذبون بتقولى ((( سااااقط ... قوم وتعالى بعد شهر ))) لسه بفتح بقى كانت بتزءنى بره ((يلااا ... غيررره))

رجعت البيت حزين ومرارة الفشل علقم فى حلقى...لحد ما دخلت المنتدى قلت اقلب فيه شويه لقيت المشاركه دى...جاتلى فكرة ان اجرب تانى يوم واعمل بنصيحة الاخ اللى مش عارف اقرا اسمه دا (( الله يجزيه خير)) وفعلا عملت بنصيحته ورحت الصبح بدرى على عامل البوفيه اللى بدوره وصلنى للمشهلاتى اللى خلص لى الرخصه فى نفس اليوم ptmnlo123per154 بعد ما لهف الدراهم.....

المنظر بقى فى امتحان الاشارات تانى يوم هههههههههههه الظابط عمل نفسه جاله تليفون وخرج بره..الست الحيذبون واقفه ورايا تقولى رقم الاختيار هههههههههههههههه ((الاول...التالت...التالت.. ..التانى....أوعى دماغك دى شويه الاول...))) وهكذا طبعا جبت ميه فى الميه.....أما اختبار القياده فكان نفسى اجلس على التاره والله.....وتوته توته خلصت الحدوته وطلعت الرخصه المزبوطه .

.