[nour3alanour]

المشاركة الأصلية كتبت بواسطة MaXx استاذ نور ,,, البونتو ايفو هي نفس الجراند بونتو و الفروق مش كبيرة لا في الشكل الخارجي ولا الداخلي ,,, بس في موتور زيادة جديد اللي هو 135 حصان ده ,,, و شوية تعديلات في الشكل الخارجي طفيفة ,,, اعتقد ان قطع الغيار هي نفسها الموجودة في جراند بونتو ,,, و علشان ما تقلقش هي كمان متوفرة في اغلب قطع اللينيا ,,, قطع غيار الفيات الجديد علي فكرة متوسط يعني مش غالي و مش رخيص طبعاً ,,, و التوكيل هتلاقي فيه قطع غيارك اللي انت عايزها ,,, و ممكن تلاقي برا علشان انا بدأت احس بالجراند و اللينيا بياخدوا خطوات كويسة في السوق و بدأوا في الانتشار يعني زمان مكنتش اشوف منهم غير كل اسبوع مرة ,,, النهاردة ما يعديش اليوم الا لما اشوف واحدة جراند بونتو ... العربية كويسة بصراحة ,,, و اللي يميزها بالنسبة ليا ان سعرها اقل من ال ايبيزا ,,, و انا نفسي في الايبيزا اكتر ,,, بس العملية لو قلت الفلوس شوية ,,, هجيب البونتو و برضو مش هبقي متضايق العربية كويسة اوي ...

ميرسي MaXx علي شرحك للنقطة دي وخصوصا قطع الغيار اللي هي طبعا الشغل الشاغل لأي حد بيفكر في شراء عربية جديدة
والحمد لله رد حضرتك طمني بجد كتير
بالمناسبة هو فعلا الباور في الجراند بونتو كهربا مش هيدروليك؟ والعفشة بتاعتها ناعمة ولا ايه نظامها؟ يا ريت لو حضرتك تعرف تفيدني او يا ريت مساهمة حد من ملاك العربية يفيدنا في النقطة دي
وانا انشاء الله مستنية بس معرض الأهرام فورميلا في يناير الجاي باذن الله وانشاء الله هحجز بعديه بمشيئة الرحمن
مين عارف؟ يمكن تحصل معجزة ويبقي فيه عروض كويسة ولا حاجة الواحد ممكن يلحقها!
وعلي فكرة نور ده بنت... مش أستاذ ولا حاجة ptmnlo123per1 9
وبجد ميرسي ليك مرة تانية
وتقبل تحياتي