[حازم شاهين]

بالنسبة للفيرنا و اللانوس طبعا كانوا فى الحسبان و أنا بشترى
لكن القرار مكنش بناء على الإنتشار فقط

بالنسبة لآبو الفتوح و قطع غيار إسبيرانزا
أيوه أبو الفتوح ممكن الواحد يقول فيه أكتر مما قال مالك فى الخمر
و فيه مشاكل فى المعاملة و جودة الأداء و سرعة الأداء و توافر قطع الغيار
لكن هو برضة من أفضل التوكيلات (مش معنى كده إن الأفضل ده مثالى لكن تقدر تقول من احسن الوحشين)
عامل شبكة من 20 مركز صيانة على مستوى الجمهورية
و بيقدم ضمان حقيقى للعربية (ناس كتير جدا غيروا حاجات بايظة عندهم فى الضمان)
و فيه حاجه كمان إنه التوكيل ده إتعرض لمحنة قوية جدا و مع ذلك إستمر و ده بيدى نوع من الإطمئنان إنه توكيل قوى و قادر على الإستمرار