[حازم شاهين]

بس أنا يا أستاذ بدر إشتريت صينى خلاص
و انا مش قوى كده فى الصينى ده انا بتعلم كتير من حضرتك

عموما لو كنت لسه ما اشتريتش كنت هفكر كتير قوى فى
عربية من تلاتة
إسبيرانزا M11
أو بريليانس FRV
أو تيجو 1600
و بنفس الترتيب ده
و ليه بقى فعلشان مجموعة أسباب
أولا الإنتشار الجيد فى مصر (يعنى أنا مختلفش عن ناس كتير بتقول خليك فى اللى مع الناس
و الإنتشار ده بيخلى فيه توافر فى قطع الغيار إلى حد ما
ثانيا قوة التوكيل لا شك إن السيارتين دول توكيلهم من أحسن التوكيلات فى مصر
ثالثا السعر المناسب
رابعا التصميم الجذاب و المواصفات الجيدة

أما الجريت وول بيرى
فأنا كنت معجب بيها كسيارة شبابية بإمكانيات معقولة
لكن حاسس إن سعرها مبالغ فيه شوية
يعنى الفول أوبشن ب 55 ألف فى حين الإسبيرانزا A113 ب 52 ألف فقط
كمان الفلوريد ب 67 تقريبا و هى هاتشباك فى رأيى إن سعرها كان لازم يبقى فى حدود ال 60 فقط
أما الكول بير ب 75 ألف فى حين الإسبيرانزا الجديدة M11 بنفس السعر كان لازم تبقى فى حدود 70 ألف
المهم أعتقد إن الجريت وول عموما عربيات معقولة و إمكانياتها كويسة لكن مش بالأسعار دى