[moslem2]

انا يحييك عالمقال الرائع ده بس احب انوه لحاجه ان مش الغرب بس الى بيزيف انتصار اكتوبر لكن العرب من الخليجيين والسوريين كمان بيزيفوا الانتصار ده وده الطبيعى منهم تجاه مصر وده فيه تخاذل مننا لان معجزات الحرب دى والبطولات الى اتقدمت فيه اقل بطوله فيهم تستحق فيلم سينمائى بس احنا الى مقصريين و البلد كمان قصرت فى حق اسر الشهداء وقصرت اكتر فى حق الابطال الى لسه عايشين الى لو شوفت كتير منهم يصعبوا عليك وظهر بطل منهم فى برنامج واحد من الناس عايش فى كشك خشب وشغال بيعمل شاى وقهوه فى الكشك الى بينام فيه واعرف واحد تانى جار واحد صاحبى دمر 40 دبابه وشيل فى جيبه صور قديمه للجرايد اتكلمت عنه لو شوفته يصعب عليك وهو راكب عجله ومش لاقى ياكل والمحافظه بتكرمه كل سنه ب 120 جنيه بحالهم يعنى من الاخر احنا الى مرخصين نفسنا فى كل حاجه ,,,
ورد للزميل العزيز حورس ...اكيد نقدر نعمل كده تانى ان شاء الله لاننا وقت الجد والشده بنتجمع كلنا وبنعرف ربنا على حق وبنقول يارب وده عيبنا اننا مش بنصحى ولا بنعرف ربنا الا فى وقت الشده ولو نظرت لحال مصر بعد النكسه وفى الستينات كان الحال اسوء من دلوقتى بمراحل سواء فى الوازع الدينى لان البلد كانت متجهه للفكر الشيوعى والميكروجييب كان عادى جدا والمتديننين كانوا اقل .والحمد لله حاليا القطاع الوحيد الى مش فيه فساد فى مصر هو الجيش والخير فى مصر ليوم الدين والناس بس محتاجه للى يفوقها والى هينفع البلد وقت الزنقه هم اصحاب الدين واصحاب النخوه والكرامه مش رجال الحزب الوطنى ولا الشباب السيس امثال توتى وبوتى ونونو ومونو وربنا يحفظ القوات المسلحه من الفساد الى بجد بحترمهم حتى من تعاملانى مع ضباط جيش او بخلص اى ورق من منطقه عسكريه بتحس بفرق بين رجال الجيش ورجال الشرطه

واخيرا ستظل حرب اكتوبر معجزه بكل المقاييس وسيظل السادات بطلا فى قلوب العاقلين ولا عزاااء للحاقدين