المشاركة الأصلية كتبت بواسطة horas3000
مع التحفظ علي الهجوم الغير مبرر علي الجامعة الامريكية اللي بعتبر نفسي ممثل ليها في المنتدي بحكم اني خريج منها
الراجل الانجليزي المغفل ده محدش رد عليه ليه
هل صاحب المقال عايز يفهمنا ان كل الحضور كان موافق و منصاع لكلامة و لا كلهم مؤدبين و معتمدين ان الراجل ضيف و لازم نحترمة.
غير كده كل الاحداث اللي ذكرت علي عيني و راسي لكن ده كله في الماضي
اللي يهمني شخصيا الحاضر و المستقبل
هل هنقدر نعمل زي ما الناس دي عملت ؟؟؟ هل يوجد امل ؟؟؟
الله اعلم
|
هو مش هجوم علي الجامعة الامريكية ,,, و حضرتك مصرى ,,, و مفيش مشكلة تماما ,,, الموضوع اللي اتذكر حدث داخل رواق من اروقة الجامعة الامريكية علشان ده المكان اللي وزير خارجية سابق ممكن يكون موجود فيه مش مجرد جامعه حكومية ,,, و اللي قاله كان ممكن يقوله في اي مكان تاني ,,, صاحب المقال راجل مشهور بصدقه و توجهاته المعتدلة ده لو حضرتك ما تعرفوش ممكن تدور شوية عنه ...
بالنسبة لسكوت الحضور ,,, الراجل قال ان هيكل نفسه سكت ... لما هيكل يسكت متخيل ان في حد تاني رد ؟! لو كان حد رد كان دار نقاش و كان هيكل اتدخل اكيد ,,,
,,,,,,,,,,,,,,,,,
ذكر الحادث ده بداية المقال علشان يوضح ان موضوع التشكيك في حرب اكتوبر ظهر بشكل قوي خصوصا السنة دي ,,,
,,,,,,,,,,,,
يعني من الاخر No offense يا Horas
<<<<<<<<
الماضي جزء من تاريخنا لازم نحميه ,,, لانه بيدينا دفعه لقدام و يحسسك ان اللي سبقوك عملوا و هما برضو بشر زيهم زيك ولا يزيدوا عنك شئ سوي الارادة و العزيمة ,,, و اخيرا حسن التخطيط و التنفيذ ,,,
نقدر نعمل ده تاني ,,, اه نقدر Yes we can
<<<<<
الامل موجود طول ما في في مصريين في مصر ,,, يبقي في امل ,,, بلدنا طول تاريخها صعود للقمة و هبوط و تخبط ,,, زي ما يوم هنقل فيه و مش هنبقي في الحالة الكويسة ,,, هيجي اليوم اللي نرجع فيه ننور العالم بالعلم و الايمان و الدين ...
هيرودوت قال عن مصر انها زي شمعة مضيئة للعالم في اوقات الظلام ,,, اول ما تنور العالم و العالم يتعلم منها ,,, تنزل لقاع النيل تنتظر اظلام جديد للعالم لكي تنيره ,,,
و الله هيفضل جوايا امل ان بلدي تبقي اجمل بلد في الدنيا ,,, بس ابدأ بنفسي لان ده اللي في ايدي ,,,
,,,,,,,,,,,,,,,,
بشكرك علي ردك يا Horas لاني كنت مستني اي رد علي الموضوع من الصبح
