[حسين122]

لو سمحتولي أنا أصلآ ضد فكرة التعدد الحزبي
أنا مع الشورى الحقيقية مش تبع موافقة موافقة
و معارضتي للتعدد الحزبي ليها سبب وجيه
هأوضحه لحضراتكم حالآ..بإذن الله
نخش في الموضوع

لو في نيه حقيقيه من الناس الموجود أسمها في الأستفتاء لعمل تغيير و إصلاح في البلد أو حتى من كل قوى المعارضة المذكوره هنا أو مش مذكورة
يبقى لازم - من وجهة نظري - لازم يجتمعوا كلهم وراء مرشح واحد فقط
واحد بس يجتمع عليه الناس يدخل الأنتخابات قدام مرشح الحزب الوطني أيآ ما يكون أسمه
كده قوة المعارضة مش هتتشتت
كل المصريين أما يختاروا مرشح المعارضه أو مرشح الحزب الوطني
لأن يد الله مع الجماعه
و لأن ده معناه أن الراجل ده لو حصل و فاز مش هيستبد برأيه و هياخد رأيهم و هم كلهم شخصيات نحسبها على خير
ده غير تجديد و إصلاح روح فريق العمل المفقوده في مصر
لكن نرجع و نقول من غير ما تكون المعارضه كلها إيد واحده مش ممكن هيحصل تغيير
علشان ما ينطبقش علينا المثل ( فرق تسد )
بس السؤال - سؤال يحزن حبتين - تفتكروا ممكن همه نفسهم يجتمعوا على ترشيح واحد بس منهم .... و لا كل واحد هيقول أنا أنا
و في موضوع تاني
المرشح لازم يكون له خطة
برنامج أنتخابي يعني
مين هيكون وزير أيه مثلآ
أيه الخطة المقترحة لأدارة مصر
حتى لو كانت الخطه الرجوع لأهل الذكر في كل الأمور
المهم تكون فيه خطه من المرشح
و لما يكون منتخب من قبل صفوة المجتمع مش ممكن يتقال عنه أنه زور توكيلات و لا غيره

بس أنا عن نفسي لغايه ما همه يتفقوا مع بعض على واحد بس
مش هأصوت نهاي
لأن الموضوع تحصيل حاصل مش هينوبني إلا البهدله و تعطيل شغلي
ده غير حرقة الدم
سلام