رد: ابو نورا ارجو المساعدة سيارة لانسر
مبدئياً بالنسبة للايرباج ففيه فعلاً موديلات فيها ايرباج منها ومن اللى قبلها الكريستالة كمان لكن موضوع ال ABS ده اللى معتقدش خالص انه يكون موجود
بالنسبة لانك تتاكد قدامك حاجتين اما بالكشف على العربية على الكمبيوتر وهو هيقرى الكنترولات اللى فى العربية كلها ويديك حالتها كمان
او باتباع الطرق التقليدية بالنظر بنفسك على شواهد وجود النظامين
بالنسبة لل اير باج المفروض تلاقى علامة الايرباج SRS محفورة على التابلوه والطارة ولازم فى التابلوه امام الكرسى المجاور للسائق تلاقى مستطيل مكان وحدة الايرباج والمفروض الكنترولر بتاعها يبقى ورا الكنسول
ده غير ان لازم يكون لها مؤشر (لمبة) فى التابلوه تنور مع الكونتكت باسم SRS ايضاً
وبالنسبة لل ABS فبرضو لازم لمبة فى التابلوة باسم ABS بالاضافة الى شكل المواسير وماستر الفرامل المختلف بالاضافة لاستشعار عملة فى حالة الفرملة المفاجئة
فانت لو ملقيتش حاجة من ديه يبقى فى الغالب مفيش بس لو عايز تتاكد تماماً اكشف كمبيوتر
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|