[Dr. Bolbolan]

المشاركة الأصلية كتبت بواسطة نبيل عبدالرحمن ربنا هو الستار وإدارات المرور ها تعمل ايه أكتر من اللى عملته من مضاعفة الغرامات والحبس وسحب الرخص هاتمشى عسكرى ورا كل مواطن ولا إيه إحنا محتاجين مزيد من العقل ومن الوعى

لا يا أستاذ نبيل ! بم انك راجل عجوز زى حالاتى ! أكيد رأيت زمان " كونستابل المرور " والذى كان يتجول

بالموتوسيكل بتاعه لمراقبة اى أخطاء فى القياده أو حوادث و كما نرى أيضآ فى الآفلام الآجنبيه ! وليس مثل

ظباط و صولات اليومين دول والذين تراهم كل موتوسيكلين واقفين على ناصيه بيشربوا سجاير و بيطقوا حنك !

يعنى بيرغوا زى ال.... أو ماشيين أمام تشريفه برده زى.....الحراسه أو راكبين الموتوسيكلات بعد الظهر و مساء
بالملابس الملكيه و بيقضوا بيها مشاوير ! ptmnlo123per1106 كمان تعالى مثلا من أول نقطة مرور الكيلو21
طريق القاهره الاسماعيليه و حتى ميدان رمسيس ( حوالى 25 كم ) ممكن لا يقابلك لا عسكرى ولا ظابط مرور

ولا توجد حتى اشارات مرور وأصبحت كلها " يوترنات " ملعونه تعطل السيوله حيث ان القادم من اليسار يريد

الوصول لليمين و العكس صحيح ! يا اما عاملين كمائن للجبايه ! و خاصة فى الصباح " علشان الظابط عايز يفطر "

كما سمعتها بأذنى ! تقولشى ح يفطر بلحمه و كباب ؟؟

زمان فى المنصوره حوالى سنة 67 كان فيه مدير مرور المنصوره الله يرحمه لو كان عايش أو ميت ولا أنسى اسمه

" اسماعيل السوسى " كان مظبط المرور و البلد والاشارات و العلامات التحذيريه فى كل مكان ! و كان بيجيب

السيارات اللى عامله حوادث شنيعه و يضعها على رؤوس الميادين و بجانبها يافطه كبيره مثل " هذه نتيجة السرعه "

أو " عد الى أولادك سالمآ " ! أما الآن فسلم لى على المترو و أم الخلول كمان !

Dr. Bolbolan