رد: مفاهيم سائدة ,,, لن تتغير الا اذا بدأنا بأنفسنا
tigernet ... كنت مرة شوفت حد في المنتدي بيتكلم عن نفس المشكلة في اللانسر انها بتتقلب بسهولة و بالاضافة الي ان 2 من اصدقائى حادثتين بنفس السيارة و في الاتنين العربية اتقلبت ,,, ممكن اكون زودتها شوية في موضوع انها اكتر عربية بتتقلب ,,, عذراً
pro mada ... وضحت فكرتي مرة تانية يا برو ,,, اتمني تكون فهمت قصدي ...
حازم شاهين ,,, متفق مع حضرتك بخصوص تحكم السعر في الشراء ,,, و اتمني يكون ردي السابق وضح فكرتي ,,,
Dr. Bolbolan ,,, لا العيب واضح انه كان عندي لان اغلب الناس فهمت كلامي انه تريقة علي السيارات الصينية و الكورية و اصحابها كمان !
sam ram ,, مرة تانية بقول اني متفق مع فكرة ان السعر بيحدد كتير ,,, القصد كان ان لما يبقي في عربيتين قريبين في الاداء من حيث الفئة بس واحدة كوري منتشرة و التانية اوروبي مش منتشرة ,,, بنخلي اللي بيفكر في الاوروبي يقلق من عدم الانتشار و عدم توافر قطع الغيار ,,, اه مظبوط الكلام ,,, بس لو كل واحد قلناله كده محدش هيجيب حاجة جديدة غير قليل من الناس هتخرج عن النظام اللي بنحطه بنفسنا ,,,
يعني مثلا ,,, حد يفكر في كوردوبا ,,, نقوله خليك في الكروز او السيراتو ؟! مش عارف بحس انه شئ يضايق ... يعني ,,, كلنا متفقين ان الاوروبى خامات افضل و جودة في كل ارجاء السيارة ,,,
dr.amr ,,, اللي كنت اقصده ان لما يبقي في حد بيسألنا عن عربية اوروبى بلاش نرعبه ( مش نخوفه ) من عدم توافر قطع الغيار و سعر اعادة البيع ,,, يمكن الناس تبدأ تشترى عربيات افضل ,,, في ظل انخفاض سنوى للجمارك حتي عام 2019 ستكون 0
قطع غيار الاوروبي اغلي علشان الخامات اكيد اعلي ,,, بس هما التوكيلات بيزودوها شويتين طبعا ,,,
ختاما ,,, بعتذر لو اي حد حس اني بتريق عليه ,,, ptmnlo123per144 ,,,
|