رد: احترســوا .....قصه حقيقيه ....ممكن تحصل لآى منكم !
دكتورنا العزيز
بعد التحيه
لك الحق ان تحترس خصوصا انك خارج من البنك
لكن الشباب ده ييقابلني كتير ودائما يعمل دخله علشان تتوقف و تكلمه
و الشباب ده بيعمل دعايه لشركات تسويق سياحي او تايم شير
احيانا يسأل انت خط الموبيل موبينيل او فودافون او يقول لك معانا سحب لو كسبت تاخد هديه فورا
وكله علشان تقف و يكلمك وبعد كده يقولك في حفله ولازم ياخد 20 جنيه او كارنيه المهم اي حاجه يضمن انك لازم تروح المكتب بتاعهم لانه بيتحاسب عل كل شخص يوقعه
ولما تروح المكان ده هتلاقي مندوبي الدعايه مش حفله وتسترد الامانه اللي انت سايبها لكن بعد ساعه علي الاقل من محاولات الاقناع بالاشتراك في حجز شاليه او اي شئ اخر
وممكن تقابلهم في اي مكان يس الاكثر محطات البنزين امام البنوك المولات عموما لازم يكون مكان اللي يتردد عليه ذو مستوي مادي مرتفع ينفع معه الكلام ده
حبيت اقول ده لانه حصل معابا كتير واول مره كان فخ ضيع 4 ساعات علشان ارجع 50 جنيه لان اولادي فكروا انها حفله صح بعد كده معنتش اقف و اكلمهم
انا طولت عليكم بس كان لازم اقول الموقف ده
|