24-07-2018, 10:52 AM
|
 |
|
|
تاريخ التسجيل: Dec 2009
المشاركات: 109,157
|
|
رد: مخطط تصفيه الثوره ,,
اقولك يا ريس ليه الشارع المصري اصاب مرماه 21 الف هدف؟ اقولك ليه فيه 21 الف اشاعة دخلوا زي العدوى في جسم الوطن؟
علشان معندناش جهاز مناعة ومعندناش اي خطة لاعادة ...بناء العقل المصري المتمتع بأدنى درجات المنطق.. المنطق يا ريس اللي بقا بيقبل ان فيه في السوق بيض بلاستيك .. علشان عندنا اعلام مهترئ بيقوده نموذج "الجاهل الطموح" وده اخطر انواع القادة وبيوظف ناس الشرط الوحيد فيهم انهم يكونوا اجهل منه وأقل منه طموحا علشان يشوفوه عبقري وفي نفس الوقت ميبقاش عندهم طموح ياخدوا مكانه .. علشان فلوسنا بتتصرف برؤية معندهاش اي تصور لأدوات الاعلام العصري المحترف ولا رؤية لمتطلبات المستقبل .. علشان هيكل الاعلام المصري كله بقا جبان من جواه واقصى شطارة فيه انه يعمل رد فعل على هجمة من كل 100 هجمة .. ورد الفعل مبيعملش مناعة.. المناعة بتتعمل باعلام بناء مش اعلام ماشي ورا تريندات الفيسبوك .. علشان معندكش في ضهرك غير شوية المصريين اللي عاملين جهاز اعلام شعبي على السوشيال ميديا وبيحاولوا بس حتى دول أنهكوا وزهقوا لأنهم شايفين ان الدولة اللي بيحموها مبتحميش نفسها .. علشان المتربحين بالهبل والمنتفعين بالكوم ومحدش منهم عايز حاجة تتغير علشان التربح في الهيكل الحالي اسهل .. العدو اللي ضربك بواحد وعشرين الف اشاعة مش قوي.. مش بعبع .. انت اللي الشبكة بتاعتك مخرقة واللي بيحرسوا العقل المصري لا هم مختصين ولا مخلصين
اي مدير فني يدخل في مرماه 21 الف هدف لازم يغير حارس المرمى وخط الدفاع وخطة الصد كلها
إبراهيم الجارحي
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|