11-12-2009, 12:17 AM
|
 |
من انا؟: مصرى مسلم متزوج وأبو ياسمين و أحمد
التخصص العملى: أخصائى أمراض نساء وتوليد ولكن حاليآ أعمل طبيب طوارىء بمجال البترول ومعى شهادات أميريكية من جوهانسبرج
هواياتي: صيد السمك واصلاح السيارات وأى حاجه بايظه
|
|
تاريخ التسجيل: Apr 2009
الموقع: من المنصورة وعايش بالقاهرة وأعمل بالخبر / السعودية
المشاركات: 2,153
|
|
احترســوا .....قصه حقيقيه ....ممكن تحصل لآى منكم !
والله على ما أقول شهيد ! القصه دى حدثت لى أمس ! و بأحكيها لكم لكى تحترسوا من باب الافاده !
كما تعلمون أعمل بالسعوديه و تقوم زوجتى بكل أعباء الحياه وأنا مش موجود كما هى طبيعة الآشياء !
و كثيرآ ما تحتاج الى نقود اضافيه لتغطية هذه الآعباء فتذهب الى البنك أو الى ماكينة ال ATM لسحب
بعض الآموال ! و لآنى أشفق عليها لآن ساعات تذهب فى الصباح الباكر أو غالبآ فى المساء و الدنيا لم
يعد لها أمان اليومين دول ! لذلك دائمآ أنصحها أن تأخذ ابننا " أحمد شواريزنجر " معاها كنوع من الحمايه !
ودايمآ أقول لها ان فيه ناس أو حراميه بيستنوا أمام البنوك لسرقة أى راجل عجوز أو ست أو حتى شاب وحيد
و لكنها دائما تضحك على خيبتى و قلقى ولا تسمع الكلام ! " لكن الحمدلله حتى الآن ربنا سترها معاها " !
أمس بقى ذهبت أنا بطولى الساعه 12 فى عز الظهر و سحبت مبلغ مالى كبير ولم يكن معى شنطه صغيره
فطلبت من موظف البنك أن يعطينى ظرف كبير فأعطانى كيس أسود أكبر من حجم المبلغ مرتين تلاته ! قمت
وضعت به المبلغ ووضعت صوابعى فى ودان الكيس و برمت الكيس على يدى باحكام وخرجت متوجها للسيارة !
و كان لازم أعدى الشارع و فيه جزيره فى النص عريضه بشجر ثم أصل للسياره للشارع المقابل ! وأنا فى منتصف
الجزيره وجدت رجل من سنى أو أصغر قليلا يستوقفنى ( طبعآ كل قرون الاستشعار و غير الاستشعار ) اللى عندى
وقفت و تنبهت ! فقلت له نعم ! فقال لى فين سيارتك يا أستاذ ! فقلبت وشى وقلت باستنكار " ليه ؟ " قال لى علشان
أوصلك ! أنا مباحث ! وقام رافع البلوفر اللى لابسه من على البنطلون و لقيت طبنجه مش فى جرابها ولكن حاططها
بين كرشه والبنطلون ! فقلت له ( آه حلوه مانا معايا واحده زيها ) !! و جيت أمشى مسكنى من ذراعى وقال لى طب
اتفضل معايا وشاور على مكان عكس مكان سيارتى ( اللى هوه و الحمدلله ما يعرفهاش ) و قال لى معانا هدايا و جوائز
فى سيارتنا تبع شركة دعايه ! قمت ناتش ذراعى من يده و مشيت بسرعه وأنا يأقول له " لآ شكرآ أنا مش فاضى "
و الحمدلله كان بينى و بين السياره حوالى 15-20 متر فتحتها ورميت الكيس فى الآرضيه وركبت بسرعه و قفلت لوك
الباب و دورت و مشيت ! وكان لابد أمشى بالسياره بجانب هذا الرجل مره تانيه مباشرة و ببطأ لآنه ملف و جيت من
ظهره ! و أقسم بالله العلى العظيم أنى وجدته واقف يتكلم بصوت مسموع مع واحد شاب رياضى بتاع 35 سنه وباين
عليه زعلان ( الشاب ) والراجل الآولانى بيقول له بالحرف و هوه مكشر جدآ ( معاه كيس مليان فلوس و بيقول لى )
( مش فاضى..مش فاضى ) ! بطريقه كأنى مجرم و عملت فيه مقلب و ابن كلب ان أنا قلت له ( مش فاضى ) !
بس ! هيه دى القصه ! حكيتها لزوجتى علشان تبقى تسمع الكلام ! و علشان انتوا كمان تخلوا بالكم ! وشكرآ
Dr. Bolbolan   :000200 80:
__________________
ليت الشباب يعود يوما  فأخبره بما فعل المشيب بى ! ptmnlo123per1127
التعديل الأخير تم بواسطة Dr. Bolbolan ; 11-12-2009 الساعة 12:19 AM
|