[kj1]

نزلت النهاردة الصبح بدري أشتري سجاير لما لقيت السجاير بتاعتي خلصت ولان الساعه كانت 7 الصبح فملقتش حد فاتح غير محل واحد أخوانجي من بتوع رابعه وكان في 2013 مغرق المحل بتاعه شعارات رابعه ،، ولان السجاير بالنسبالي حاجه مهمه اضطريت اني اشتري منه رغم اني مبشتريش منه حاجه من زمان بعد ماعرفت أنه خروف (ومحدش يستغرب ويقولي وهما الأخوان بيبيعوا سجاير ؟ أيوه حضرتك بيبيعوا سجاير علشان مكسبها كبير وبالتالي الأشتراك اللي هيدفعوه شهرياً للجماعه هيبقي أكبر ده بالأضافه ان الخرفان اللي في أم...ريكا بيبيعوا لحم خنزير عادي ومعروف جداُ الموضوع ده هناك)
• المهم أول مادخلت عليه قولتله عايز علبة سجاير ومتفتحش معايا موضوع "الغاز" علشان انا لسه صاحي ومش عايز اتكلم
•• قالي غاز ايه انا مش متابع
• قولتله طيب أحسن برضه حظي حلو
•• قالي لا بجد قولي حصل ايه ؟
▪فجت في بالي ساعتها فكره اني اقلب الموضوع وأحط تركيا واردوغان بدل مصر وأشوفه هيقول ايه ورد فعله هيكون أيه 😃
• قولتله أبداً ياعم أردوغان اللي عامل فيها خليفة هيستورد غاز خام من أسرائيل علشان يسيله ويبيعه أغلي شوفت بقي الخليفه بتاعك
•• قالي طيب وايه المشكله راجل بيتعامل مع أي حد في سبيل مصلحة شعبه ياريت كان عندنا واحد زيه كان زماننا زي تركيا ،، وبعدين النبي نفسه كان بيتعامل مع اليهود وبيتاجر معاهم يبقي فين المشكله .
• قولتله يعني ده رأيك ؟!!
•• قالي ده رأي الدين قبل مايكون رأيي
• قولتله طيب ايه رأيك ان الأتفاقيه دي اللي عملتها شركات مصريه وانا قولتلك انها تركيه علشان اشوف رأيك ورأي الدين في الموضوع 😃
الخروف ارتبك ووشه جاب كل ألوان الطيف وقالي يعني ايه
قولتله يعني متجيش بكره تقولي شوفت مصر والغاز واسرائيل والسيسي علشان انت قولت رأيك خلاص في الموضوع ورأي الدين كمان والموضوع طلع في مصلحة مصر وشعبها حسب كلامك وأخدت علبة السجاير ومشيت والخروف واقف في حالة صدمه لدرجة ان بعد مامشيت خطوات كتير بصيت ورايا لقيته لسه واقف باصص عليا 👀
▪المهم انا بحكي الموقف ده علشان تعرف بس ان قد أيه الناس دي منافقين وممكن يبرروا أي حاجه من اللي بيهاجموا مصر علشانها لو كان اللي عمل نفس الحاجه حد من جماعتهم وكمان هيجيبولك مبرر من الدين اللي هما أحسن ناس تتاجر بيه لتحقيق أهدافهم وأهداف جماعتهم الأرهابيه.

#الأخوان_المنافقين
منقوووووووول