اولا اهلا بيك معانا في المنتدي
افضل عربيات في الفئه السعريه بين ال 60000 جنيه و ال 70000 جنيه
اسبيرانزا 516 مانيوال
رينو لوجان مانيوال
شيفروليه لانوس مانيوال
هيونداي فيرنا مانيوال
ثانيا انا مرشحش فيات سيينا عشان مش منتشره اوي و ده هيأثر بالسلب علي سعر اعاده البيع و علي توافر قطع الغيار
ثالثا انا هقول علي عيوب و مميزات كل عربيه من اللي انا مرشحهم لحضرتك
عيوب و مميزات اسبيرانزا 516
العربيه لا يعيبها سوي ادائها غير الرياضي بالمره و الخامات السيئه لبعض الزارير في التابلوه
عيوب و مميزات رينو لوجان
العربيه لا يعيبها سوي انها مش متجربه اوي عشان جديده و قطع غيارها اللي مش متوافره اوي بره التوكيل
عيوب و مميزات شيفروليه لانوس
العربيه لا يعيبها سوي الانتشار الهايل فميش تميز لملاكها و طبعا ده غير شكلها القديم
عيوب و مميزات هيونداي فيرنا
نفس عيوب شيفروليه لانوس
فطبعا الاختيار انحصر بين هيونداي فيرنا و شيفروليه لانوس
و حضرتك ليك حريه الاختيار بين الاتنين لان العربيتين تقريبا واحد في ماعدا المحرك
و يارب يكون ردي افاد حضرتك و متنساش صلاه الاستخاره