المشاركة الأصلية كتبت بواسطة m_o_sakr
تخيل كده عربيه جيب المفروض يكون مقاس الجنط بتاعها 18 و حطيت جنط 13 اكيد الأداء و المنظر حيكون حاجه تعبانه اوى
و تخيل لو جبت عربيه ماروتى و ركبت فيها جنط 18 واضطريت تقص رفارف العربيه علشان الجنط يركب و تغير الموتور كل مشوار علشان مقاس الجنط مش مناسب!!!!
يا ترى حضرتك عرفت ليه ولا لسه؟؟
|
يا ريت لما حضرتك تحب تجيب اقتباس تجيب الجمله كلها علي بعض
ما تعملش زي ولا تقربوا الصلاه و تسكت
الباشمهندس بيقولك حضرتك و بيقولك عرفت ولا لسه
يعني مش كاتب الكلام باسلوب استهزاء زي ما حضرتك كنت كاتب و انا شيلته
حتي لو كلامه فيه نوع من الحديه زي ما انت شايف
فيه قسم للشكاوي تقدر حضرتك تشتكي فيه
مش تغلط في العضو لمجرد انك افتكرت ان كلامه فيه نوع من الحديه؟؟
هو حيبقي حاد معاك ليه؟؟
يعرفك قبل كده؟؟
قريبك؟
صاحبك؟
حصل بينكم اي كلام او مشاده قبل كده؟؟؟؟
سيدي العزيز ارجو تقبل الكلام بصدر رحب
و اتمني لك قضاء وقت سعيد في المنتدي بدون مشاكل