رد: و بدأت الحرب ضد البرادعي
أولا من حق أي مصري أنه يترشح للرئاسة
. شروط البردعي منطقية جدا و ده الطبيعي
ثانيا ،، كذابين الذفة اللي بيقولوا انه يحمل الجنسية السويدية طب ما جيمي يحمل الجنسية الانجليزية و بالوراثة كمان مش التجنس ،، يعني ربعه انجليزي ويلزي
و مع ذلك البرادعي نفي أنه يحمل غير الجنسية المصرية
ثالثا ،، كونه مش محتك بالواقع المصري ،،
رغم انه شئ لا يمكن اثباته
بس لا يعيبه بالعكس ده احنا دايما نقول مصر بتتقدم تحت حكم الأجانب
يبقي ممكن ربنا كرمنا بعقلية أجنبية بشكل مصري
ده واحد احتك بالديمقراطيات العريقة و النظم الغربية المتقدمة يعني هيشوف السلبيات بوضوح و عارف علاجها لأنه شاف الصح
رابعا ,,, النظام بيحاول يقنعنا ان مصر عقمت
و مفيش حد يصلح
مصر اثبتت انها ولادة و لما دكتور قانون و رجل سياسي يقود منظمة كبيرة لفترة طويلة ميصلحشي رئيس يبقي مين اللي يصلح عسكري جاهل و فاشل لمدة ثلاثين عام ؟؟
خامسا ،، بغض النظر عن مؤهلاته و كفائته ،، التغيير في حد ذاته هدف ،، أكيد هوا مش أحسن مصري في العالم ،، و لا أوباما أحسن امريكي في العالم ،، بس الراجل علي الأقل القي حجر في بركة السياسة المصرية الراكدة و أيه المشكلة إننا نجربه باختيارنا ماحنا طافحنين الدم ثلاثين سنة بدون اختيارنا ،،
سادسا ،، اتمني ان حزب الوفد ينتهز الفرصة و يضع ايديه في ايد البرادعي ،، لأنه احراج للنظام بتوفير بديل توافقي زي مالبرادعي نفسه بيقول
سابعا ،، لا تتعجبوا نباح الكلاب
من كام يوم كان البرادعي ابن مصر البار اللي بتفتخر بحصوله علي نوبل ،، النهارده ابن كلب اجنبي واطي
و غالبا هيطلع أنا البرادعي يا رشدي
و هيتقبض عليه في قضية سرقة كهربا
|