رد: مخطط تصفيه الثوره ,,
فاكرين ال 36000 فدان اللى اتخصصوا (للشركة المصرية الكويتية ) بملاليم بين العياط والبدرشين بحجة التنميه الزراعيه ... وطبعا حاولت الشركة تبوير الارض عشان تقلبها منتجعات وقصور يبعوها بالمليارات .. ووقف لهم الشاعر الوطني فاروق جويدة فى حملة اعلامية رهيبة ... وقدر يوقف المشروع ساعتها .. وحاليا بيتحاكم بسببها وزير الري السابق... محمد نصر علام بتهمة اهدار 37 مليار جنية مال عام (كانت اخر جلسة من 20 يوم)واحدة من الشركاء شركة كويتية اسمها "منا القابضه" .. ... فجر السعيد شريكة فى الشركة دى بشوية اسهم .. يعنى يطلع نصيبها من ارض العياط 248 فدان كاملين (اكرر 248 فدان كاملين) ..
الرئيس السيسي الله يبارك له شكل لجنة محلب لاسترداد اراضى الدولة المنهوبة ... اللجنة قدرت فرق السعر الحقيقي للارض ب 200 مليار جنية باسعار النهاردة ... ايوه حاجة بسيطة 200 مليار جنية مرة واحدة بس !! ... الشركة الكويتية طبعا رفضت دفع الثمن الحقيقي للارض .. فاستردت مصر 28000 فدان من اصل ال 36000 فدان ... وتبقى للشركة الكويتية 8000 فدان فقط على قد اللى دفعوه حقيقي .... وبذلك نزل نصيب فجر السعيد من 248 فدان الى 48 فدان فقط ...
على فكرة ال 28000 فدان اللى رجعناهم دول اللى حيتعمل عليهم جزء من مشروع ال 100 الف صوبة
اتحدى فجر السعيد ان تنكر حرف واحد مما سبق ... ولسه الملف مفتوح ... فى الحلقة القادمة حقائق اغرب من الخيال ... السيسي ملوش فواتير عند حد يا فجر ....مصر بتنضف وان شاء الله الجاى احلى...
خالد رفعت
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|