[Dr. Bolbolan]

الآخ الزميل Dr. A ياريت أعرف اسم حضرتك بالكامل ! لا لشىء الا أننى عندما أحب شخص أو أحترمه أحب على الآقل أن أعرف اسمه ان لم يكن صورته كمان ! مش علشان أوديها

المباحث ولكن التواصل النفسى بيكون أفضل ! أنا شايف ان اليهود مش

غلطانين ( من وجهة نظرهم ) و كويس انهم ساكتين لحد دلوقت ! و كمان سويسرا ( كل واحد حر فى دولته و يمشى حسب مزاج شعبه ) ! مش عاجبنا ( كل واحد يركب أعلى ما فى خيله ) !

واحنا كمان أحرار فى دولننا نعمل اللى احنا عاوزينه ! بس لما نبقى

صحيح نقدر نعمل الصح أو اللى احنا عاوزينه فى بلادنا ! نبقى على الآقل لنا عين ( نناقش ) و أكرر مجرد نناقش ما يجرى فى البلاد الآخرى ! كيف ننادى بحرية الآذان فى سويسرا و جبال

الآلب واحنا الموضوع ده أصلا كل شويه يثار فى مصر ذات نفسها !

من منع الآذان بالميكروفونات الى تخفيض الآصوات الى الآذان الموحد ! أنا اتربيت فى منزل أمام مسجد و كنت أستمتع يصوت الآذان فى الفجر ! حاليآ لا أسمعه فى نفس المكان ولا فى مكان

آخر ! والحجه انه بيقلق اخوانا العفاريت اللى تحت الآرض واللى

فوق الآرض ! وبيقلق المرضى ! يا عينى والطلبه اللى بيذاكروا طول الليل فى هيفاء وهبى و نانسى عجرم ولا ينامون الا ساعة الفجريه ! خليهم يعملوا اللى يعملوه واحنا نعمل اللى نعمله ! و

فى الآول و فى الآخر ( ان الله غالب على أمره ) و ( يمكرون ويمكر الله و الله خير الماكرين )

.Dr. Bolbolan