رد: سؤال عن موقف حصل في نقطه تفتيش علي الطريق
السلام عليكم
سيدى انا ذهبت للمرور فعلا وانا برخص عربيتى الجديدة من اسبوعين
وسألت موظف التامين انى عايز أأمن على سائق ( على حد معلوماتى )
علشان متتكتبش على ظهر الرخصة " غير مأمن على سائق " لكن موظف
التامين مفهمش حاجة ومعرفش يرد ذهبت الى موظف التراخيص على
شباك المرور فقلى " طالما اللى هيسوق العربية غيرك وهى مش باسمة
ومعاة رخصة خاصة - يعنى مش مهنية - يمكن يسوقا عادى ومفيش مشكلة "
عالرغم من ان اكتر من مرة كنت بسوق عربية اخى ومعايا رخصة خاصة
وكان احيانا عسكرى مرور يسألنى على التوكيل ومكنش معايا حاجة زى كدة
بس كانت بتعدى ومفيش مشكلة حصلت وان كنت بعد كلام حضرتك ان شاء الله
هاروح المرور واسأل على الموضوع تحديدا ضابط المرور شخصيا
تعرف كمان يا سيدى انى كنت شارى عربية جديدة باسمى من 8 سنوات
وكنت جاى من الاسكندرية فى طريقى للقاهرة وكان اخى اللى سايق والنمر
تجارية وضابط المرور فى ( مرغم) اول الاسكندرية سحب الرخص بتاعة اخى
وبتاعة النمر التجارية وقمت بدفع غرامة 100جنية وايقاف الرخصتين شهر
مع انى كنت مأجر النمر التجارية بـ 70جنية يوميا ودفعتهم لمدة شهر 1000 جنية +
غرامة المرور ودة بعد ما تعاطف معى صاحب الرخص وكل دة علشان راكبين 2 فالعربية
بالرغم من ان القانون بيقول انى من حقى ان استعين بسائق والراكب التانى يكون صاحب العربية !!!!!
لكن تقول اية ؟؟ وتروح لمين ؟؟؟ قول ياباسط
على فكرة بينى وبين الاسكندرية 1000 كم نعم الف يعنى شوف نقطة تفتيش؟!؟!؟!؟!؟!
التعديل الأخير تم بواسطة mesho70 ; 05-12-2009 الساعة 01:48 AM
|