[kj1]

انتو بتعيبوا على السيسى .. عشان قال انه تلاجته مكناش فيها غير ماية؟؟؟
على فكرة الشعب كله من كبيره لصغيره كان كدة من السبعينيات لحد الثمانينينات .. كان بأوامر السادات .. مافيش دبح غير يوم واحد فى الاسبوع.. يوم الخميس .. هو اللى كنا بناكل فيه لحمة.. وباقى الاسبوع بنمشيها عجة وبصارة وكشرى وبتنجان..
كنا عشان نشترى فرخة... ومش مسموح ليك غير بفرخة واحدة.. نقف طابور طويل فى الجمعية ساعة عشان نشترى فرخة..
اللانشون والبسطرمة .. ابويا كان يروح باب اللوق ويشترى لنا لما يقبض اول الشهر.. كنا بناكل سندوتشات فول وجبنه فى المدرسة
الشوكلاتة والبسكوت ابو كريمة ... فى الاعياد والمناسبات .. كنا بناكل عسلية ونوجة وحرنقش
فى ازمة السكر .. كنا بنحلى الشاى ببنبونى اسمه نادلر
كنا بنشترى هو طقم واحد فى الصيف وطقم واحد فى الشتا
كنا بنعمل الصلصة فى بيوتنا.. نروح آخر اليوم السوق ونشترى الاوطة المفعصة.. كنا بنعمل المربى فى البيت
يمكن انتو ماشفتوش الايام دى.. عشان انتو شباب مولود فى بقه معلقة من دهب... واحنا السبب عشان رفهناكم زيادة عن اللزوم
السادات كان عاوز يعمل فكر السيسى الآن... يرفع الدعم.. فى سبيل انه يبنى البلد.. بس قامو بمظاهرات اسمها انتفاضة الحرامية...
وللأسف السادات نخ وتراجع.. وبقالنا 50 سنة عمالين نستلف عشان نطفح ونملى كرشنا والبلد محلك سر.. بل ببتراجع كمان
السيسى بيعمل كدة عشان الجيل القادم.. هو اللى هايشعر بالمشروعات والتطورات.. احنا خلاص رجل برة ورجل جوة..
التنمية المستدامة اللى بتنادى بيها دلوقتى الدول والمنظمات الكبرى .. معناه اننا لا نستخدم ثروتنا كلها .. نرشد استخدامها.. حتى يتمتع بيها الاجيال القادمة ... مافيهاش حاجة لما نستحمل شوية ونرشد فى استهلاكنا السفيه ونشجع الصناعات الوطنية ويبتدى الشباب فى مشروعات صغيرة ويوقفو البلد على رجلها بدل ماهما مش فالحين غير فى النقد وهما قاعدين ع القهاوى وعواطلية
منقوووووووول