رد: العبيط والمفتّح والحدق
قامت الزوجة وهى تقول:
-أنا مش ح أقعد لك فى البيت دقيقة ولازم أوريك تعمل كده فيّا إزاى!!
دخلت وهى تكمل:
-أنا رايحه لابويا يشوف شغله معاك
كانت بالطبع تمثيلية محبوكة من المفتح وصدقها الحدق!
قال بإندفاع:
-أنا عايز القزازة دى
إبتسم المفتح:
-لا00
دى أغلى ورث ورثته
- شوف أنت نصبت عليا فى الكلب والحمار وأنا متنازل عن حقى فى مقابل القزازة دى
قال بإصرار:
-مستحيل00
مستحيل
مش ممكن أبدا
قال الحدق بغضب:
-يا القزازة يا حقى عندك
صمت المفتح والحدق يتململ وينتظر الرد الذى طال:
-قلت إيه؟
هز رأسه:
-صعب 00صعب00ده ورث غالى
-ح أدفع لك حق البقرة بتاعتك
-ولا ألف بقرة00المسألة مش فلوس
-طب عايز أيه؟
أنا قتيلك النهارده
-شوف أنا ح أديلك نصها 00 وده يكفى ألف مرة00موافق
-طبعا موافق 00إتفقنا
-بس بشرط
قال بتلهف:
-إيه؟ إيه؟
-تكتب لى مبايعة بدارك
-لا 00 لا 00ده كتير قوى
- شوف إنت ممكن تكسب من وراها قد أيه؟
تنقذ المقتول وتعيد الشباب للعجوز يصبح صبى
-أنا موافق بس بشرط آخد القزازة كلها
صمت المفتح قليلا ثم قال :
-موافق
وكتب له الحدق داره وأخذ الزجاجة وقبل أن ينطلق قال المفتح:
-لازم تعرف أن القزازة دى إستعمالها ليه شروط
-إيه هيه؟
-إن الشخص المقتول تكون قتلته بدون قصد أو واحد تانى اللى قتله
والميت مبيرجعش للحياة تانى لازم تلحقه قبل ما الروح تطلع
والعجوز لازم يكون طاهر ميكونش معاه شيطان فى ليلة قمر 14
قال بإستعجال:
-ماشى ماشى
وانطلق الحدق فى قمة سعادته وهو يحتضن زجاجته الكنز
__________________
|