[sam ram]

المشاركة الأصلية كتبت بواسطة m_o_sakr المساحات الخلفيه موجوده فى العربيات الهاتش باك و اللفت باك و الستيشن علشان العربيات دى لما بتمشى فى طرق مبلوله الرزاز الى بتسببه العربيه بيتراكم على الزجاج الخلفى (نتيجه شكل العربيه و الايروديناميكس), اما العربيات السيدان فمفيش رزاز بيجى على الزجاج الخلفى

المشاركة الأصلية كتبت بواسطة bmkbmk طيب و فى حالة المطر

كلام صقر باشا 100 100
ححاول بس اوضح يا محمد باشا الفكره العامه على حد علمي

العربيات السيدان بيكون انسياب الهوا عليها افضل من العربيات الهاتشباك وبالتالي تدفق او سريان الهوا ده بيسحب معاه اي رزاز مياه او اتربه ورا العربيه
لكن العربيات الهاتشباك و ال4 ×4 او الستيشن ( اي عربيه ضهرها قطش من غير شنطه )
اللي بيحصل وهي بتخترق الهوا ... بيحصل عمليه تفريغ للهوا وراها نتيجه ان شكل الكتله بينتهي فجأه (غير انسيابي )
وبالتالي عمليه تفريغ الهوا المفاجئ ده بيعمل دوامه هوا ..
زي الصور كده













الهوا بينساب على العربيه السيدان وبينزل بالتدريج على الشنطه ... و بالتالي ممكن ندعي ان الرزاز بيتزحلق عن العربيه مع الهوا
اما الضهر الرأسي عمليه تفريغ الهوا بتعمل دوامات ورا العربيه و بالتالي رزاز المطر و التراب بيرجعو تاني
وده سبب اننا نلاقي العربيات الهاتشباك عندنا في المطر ضهرها مشلفط (مطين لا مؤاخذه )
لأن المطر مع التراب بيعمل ........ طينه