[Mohamed El Agamawi]

السلام عليكم ورحمة الله وبركاته
انا سعيد بانضمامى للمرة الاولى فى الموقع ده المتميز بشرح كل تفاصيل السيارات بانواعها المختلفة وكنت حابب ابدأ بأول سؤال انا بمر به دلوقتى مع العربية بتاعتى.

انا عندى عربية فولفو 244 موديل ٧٧ وبدات اظبطها واسمكرها وكده وركبت عليها ٤ ابواب كهربا وسنترلوك جداد بتاع موديل ٩٢ والحمد لله الابواب ركبتهم بعد شوية تظبيطات كده فى اماكن الكوالين عند السمكرى.

الحمد لله ربنا اكرمنى وعرفت افك واركب المكن بتاع الازاز والسنترلوك فى كل الابواب من غير ما اروح لاى صنايعى

وجيه دلوقتى دور توصيل كهربة الابواب والسنترلوك للاربع ابواب بكهربة المستر وبصراحة انا مش عايز اروح لاى صنايعى لان اغلبهم مش شاطرين وخايف يبوظولى الاسلاك والتوصيلات

ياريت لو حد يقدر يفيدنى ازاى اوصل الكهربا من المستر للابواب الاربعة وايه الاجهزة اللى هحتاجها علشان اوصل من البطارية للابواب الاربعة وعدد الاسلاك و طبعا لسه هشتري ريموت علشان السنترلوك والازاز.