رد: مخطط تصفيه الثوره ,,
يعني لما يجي يغني أشهر أتنين مغنيين في مصر للقاهرة يغنولها من على روف فندق 5 نجوم على النيل !! هي دي القاهرة بالنسبة لهم !؟ فندق 5 نجوم ونيل و فلوكة !!؟ أسأل أي حد زار القاهرة قبل كدا عن أحلى حاجة حبها فيها !!؟ حيقولك "كرم أهلها و طيبة قلبهم" طيبة قلبهم وكرمهم بالرغم من إن مرتب موظف الحكومة 1500 جنيه , طيبة قلبهم وكرمهم بالرغم إن شبابها على القهاوي مش لاقي شغل ولا عارف يتجوز, طيبة قلبهم وكرمهم بالرغم من الفساد اللي غرقانين فيه, طيبة قلبهم وكرمهم بالرغم من إهمال وكوارث المستشفيات وفشل التعليم, طيبة قلبهم وكرمهم بالرغم من إحساسهم بالعجز وقله حيليتهم في إنهم يغيروا واقعهم, طيبة قلبهم وكرمهم بالرغم من الشعر الأبيض اللي ظهر قبل أوانه من الفقر والمرض والزحمة والقهر, طيبة قلبهم و كرمهم علشان رغم كل دا لما تيجي تسأل واحد فيهم عن أحواله هيقولك "رضا .. مستورة والحمد لله".
عمر ما كان جمال القاهرة في أماكن أو معالم أبدا, جمال القاهرة وروعتها في كرم ناسها وطيبة أهلها ورضاهم, الأغنية حلوة بس كانت هتبقى أحلى بكتير لو كانت أتغنت لناسها و في وسط أهلها مش فوقيهم. مجرد وجهه نظر
منقوووووووووووول
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|