[kj1]

المشاركة الأصلية كتبت بواسطة kj1 لازم نقول للسيسى ارحل بصراحة بعد ما شوفت كلام النشطاء و الاخوان المنطقي جدا لنزولهم في 25 يناير لاسقاط النظام لازم اعترف اني كنت غلطان و اني تفهمت موقفهم ! مقال مؤلم ولكن ده واقع مع ناس مش قادره تفهم وحتضيعنا بعدم صدقها مع الحقائق احنا لازم نقول للسيسي يرحل... عشان حط روحه على كفه و خلص مصر من كابوس كانت اقل خسايره مصير ليبيا او سوريا مع انه لو كان طلب عشرات المليارات كان الاخوان دفعوهم ! احنا لازم نقول للسيسي يرحل عشان ساب منصب وزير الدفاع المحصن دستوريا و قبل يكون رئيس لشعب مش فالح غير في التريقة و الكوميكس و اي منصب رسمي دلوقتي بقى انتحار و كل القامات بترفضه !! احنا لازم نقول للسيسي يرحل عشان حل مشكلة الكهرباء في شهور قليلة في انجاز حقيقي مقدرتش عليه دول اغنى مننا و المتخصص فاهم ده كويس ! احنا لازم نقول للسيسي يرحل عشان عمل طفرة في منظومة التموين و الطوابير اختفت و العيش مبقاش عليه خناق و الناس بتبدل نقاط التموين ب نسكافيه و منتجات توازي منتجات الهايبر !! احنا لازم نقول للسيسي يرحل عشان بيعمل شبكة طرق محترمة و انجز منهم 3000 كم في سنة !! احنا لازم نقول للسيسي يرحل عشان قدر يظبط الامن في الشارع بنسبة كبيرة و مفيش تفجيرات و الارهاب قل و الناس رجعت تمارس حياتها من غير طوب و مولوتوف و حرايق !! احنا لازم نقول للسيسي يرحل عشان حسن علاقاتنا الخارجية و بدأ يشكل تحالف بعيد عن التبعية الامريكية و يتعامل مع كل دول العالم بتوازن !! احنا لازم نقول للسيسي يرحل عشان اول ما ابتدى يحارب فساد رجال الاعمال الدنيا هاجت عليه من الي ياما صدعوا دماغنا بشعارات العدالة و الشفافية و محاربة الفساد و المفسدين !! احنا لازم نقول للسيسي ارحل عشان الاخوان ترجع تاني و تركب البلد و تدبح الناس الي وقفت ضدهم و اولهم الكولجي الي الاخوان راكبينه !! احنا لازم نقول للسيسي يرحل عشان النشطاء يحققوا حلم حياتهم و يعملوا مجلس رئاسي يكمل على خراب البلد و كأنهم معرفوش انهم افشل من الفشل نفسه في الكام سنة الي فاتوا !! احنا لازم نقول للسيسي يرحل عشان لو رحل الف سيسي و يفضل الشعب معندوش ضمير و فاسد و عايش فهلوة و مش بينتج و عمال يخلف عيال من غير حساب و مش حاسس انه شعب عايش عالة .....عمر حال البلد ما هينصلح !! اوعى تكون فاكر ان السيسي مالوش اخطاء ...مفيش حد كامل و لا هييجي حد كامل ... بس الي واثق فيه انه راجل وطني ..مش فاسد .. وكلنا عندنا انتقادات لبطء الأداء في ملفات مهمة و عايزين وتيرة اسرع و اليات مختلفة و فكر جديد ..كل ده هييجي مع النقد الموضوعي ...نقدر نساعده في الاصلاح.....احسن ما تخرب على دماغنا كلنا !! منقووووووول

عرفتوا ليه أن الغرب و أمريكا كانوا ضد الشعب المصرى و جيشه و ضد السيسى و ضد ثورة 30 يونيو ... لأنهم كانوا عايزيين كل الحثالة الأرهابيين في العالم كله يكون له دوله عندنا قى سيناء و يبعتوا كل واحد أفكاره متطرفة عندك في أرض بلدك زى ما عملوا أيام اليهود في اوربا زمان لما بعتوهم على فلسطين و يريحوا هما دماغهم من قرف الحثالة دول ...
و أنتم بقى يا مصريين يبقى عندكم همين و مصيبتين ... أسرائليين في فلسطين المحتلة و أرهابيين من حثالة البشر في سيناء و غزة و التفجيرات ما تبقاش ملاحق عليها في شرم و القاهرة و كل مكان في مصر زى ما حصل في باريس و بيروت.... عرفتوا دلوقتى ليه خريت الشاطر و الخرفااان قبضوا 8 مليار دولار عشان أيه
اظن اللى ما يشوفش من الغربال يبقى مش أعمى ... ده يبقى حمااااااار
و عجبى