لم أقرأ كل المكتوب للامانة ,,,
بس انا اعرف واحد راجع من هناك ب 4 غرز في دماغه ,,, و بعدين مستفز جدا ان حد يقولي اصابات طفيفة ناتجة عن تراشق بالحجارة و مفيش حد مات !!!! يعني هو لازم حد يموت علشان نحس ان الموضوع فيه اهانة لينا ؟!
المشكلة مش في اللي راحوا يعملوا المشكلة دي في السودان المشكلة في ضلوع الحكومة الجزائرية في الموضوع ,,,
السودان مكانش مقدر الموقف هيبقي بالشكل ده ,,,
بالنسبة للي بيتكلم عن الصورة بتاعة الناس اللي شايلين سكاكين دول محدش قال انها من جول الاستاد
اللي كانت من جوا الاستاد هوريهالكو في المشاركة اللي جاية ,,, لما ارجع من الجيم بس ptmnlo123per1127
طول عمرنا بنلعب كورة و بنكسب و نخسر ,,, منتخب الشباب بتاع علشان تعرفوهم روحوا شجعوهم ده لعب و خسر وسط 80 الف واحد مفيش طوبة اتحدفت ...
لعبنا في مصر و برا مصر مع كل دول القارة الافريقية تقريبا و لا مشاكل اطلاقا اشمعني بقي دول اللي مستلمنا من 1984 لحد النهاردة كل ماتش زفت و مشاكل و خناق و تمثيليات ؟
ضلوع الحكومة الجزائرية المرة دي كان بمثابة القشة التي قسمت ظهر البعير ...
,,,,
الكلام للي بيقول الحكومة مالهاش علاقة بالموضوع و الموضوع بعيد عن السياسة ,,,
و اكبر دليل علي ده ,,, فرض ضرائب علي نجيب ساويرس لما قال انه هيطالب بتعويض و يسحب استثماراته من هناك ...
يعني هتتسرق و تدفع ضرائب و مالكش عندنا حاجة
...............
الناس اللي بتتكلم عن التهدئة نسيت حاجة مهمة اوي ,,, هو ان لازم الحق يرجع بعدين تفكر في موضوع الصلح و رأب الصدع و الكلام الجميل اللي مبقاش يودي ولا يجيب مع العالم دي ,,,
كل واحد يقولك مصر ام الدنيا و اكبر اخواتها ,,, مين قالك انهم النهاردة بيعتبروك الشقيقة الزفت الكبرى ؟؟؟؟؟؟؟؟؟
الموضوع مستفز يا جماعة ,,, انا مش بقول نعمل مقاطعة للكل ,,, انا بقول ناخد حقنا من اللي يغلط فينا بشكل عاقل و رزين لاننا مش همج ...
و كان نفسي بجد يطلع شيخ الازهر يقول انا رايح الجزائر اشوف فيه ايه ؟؟؟ و محدش يقدر يعتدي علي شيخ الازهر ده رمز لينا كلنا كمسلمين ...
و مش هنسي المسيحيين برضو هما معانا في نفس البلد و حقهم زي حقوقنا بالظبط ...
اللي بيقول مصر و العروبة ... علي عيني و راسي ... بس ما بقتش مصر الاخت الكبري المفروض نحسب حسابتنا تاني و نشوف مين حبيبك و تشيله علي راسك ,,, و اللي مش بيحبك اتعامل معاه عادي برضو بس مش زيه زي اللي بيحبك ولا ايه ؟
و في الاول و في الاخر ...
الموضوع مش حرب ,,, و لو الجزائر بكرة الصبح حصل ليها كارثة لا قدر الله كل المصريين اللي قالوا الجزائر تغور في داهية ,,, هيقولوا لا في الحالة دي هما برضو اخواتنا ...
كل الموضوع اني بقول حقنا ما ينفعش نسكت عليه و الا هنبقي مالطشة اللي مايسواش قبل اللي يسوي ( و لو ان مفيش حد يسوي بالقدر اللي يلطش فيها طبعا )
قابل للنقاش في كل حرف كتبته ... شئ سيعدني بصراحة