[m_o_sakr]

المشاركة الأصلية كتبت بواسطة فادى و الله انا مش عارف الناس بتحب العربية دى على ايه؟ الشكل شرس من ادام بس مبالغ فيه جدا و مأخوذ من طابع الألفاروميو 159. من ورا شكلها تقليدى جدا. ايه اللى حلو فيها و ايه سبب الاقبال عليها؟ اقولوكو؟ ركزت الحملة الاعلانية بشكل مكثف على شكل السيراتو الجديدة, فاكرين الاعلان اللى البت الزغلولة بتقول فيه "اصلك مشفتش السيراتو الجديدة!" ده كان قبل ما العربية تنتشر و قبل ما الناس تشوف شكلها اساسا. و بالتالى قام الاعلان بعمل شبه تنويم مغناطيسى و ايحاء نفسى للناس انو السيراتو الجديدة ثورة على صعيد الشكل, و طبعا الشكل احدى اهم عوامل التأثير عند شراء السيارة, بل ربما هو العامل الأهم! هذا الايحاء النفسى تناقل بين الناس و وصل حتى لمن لم يستمع الى الاعلان, و اصبح شعور نفسى ينتقل بالايحاء بين الناس. لو لم يكن الاعلان بهذه الكفاءة و هذا التأثير (تأثير بعض الاعلانات فى حركة البيع يستحق الدراسة بالفعل) لما بيعت السيراتو بهذا الشكل, و لما كان شكلها جميلا. من جهة الامكانيات و القيادة هى سيارة عادية جدا, تتشارك مكونات كثيرة مع الالنترا, و ليس فيها ما يستحق الاهتمام و لا فى تصميمها أى شىء مميز. تحية الى من صنع هذا الاعلان, هو فقط من يستحق التحية, أما شركة "كيا" ذات نفسها, فلا تستحق الكثير من التقدير.

يا استاذ فادى انا عايز الناس تتكلم بموضوعيه مش بحب اليابانى و مبحبش الكورى و مش عارف الناس بتحبها على ايه والكلام ده!!
و على فكره العربيه منتشره جداً جداً فى دول كتير مفهاش الإعلان بتاع البنت الزغلوله!! يعنى فى استراليا العربيه عامله مبيعات كويسه جداً و مبيعات كيا ارتفعت هناك 34% فى عز الأزمه الماليه و إنخفاض مبيعات الكثير من الشركات المنافسه (ده بخلاف دول كتير متقدمه فى اوروبا وامريكا ز كندا و و و و و) ممكن تتأكد بنفسك من النت و تشوف ريفيوهات العربيه فى الدول دى, و بعدين العربيه شكلها مفهوش اى شبه من الألفا رميو و حتى لو كان شبهها بس شكلها حلو, و على فكره انا اول مره اشوف العربيه كان قبل الإعلانات و الكلام ده كله وقبل متنزل مصر و عجبنى شكل العربيه جداً (شكلها كلاسيكى وليث ثورى) و كون العربيه تتشارك مع الانترا فى كثير من المكونات لا يعيبها فى شئ (كبرى شركات السيارات الألمانيه و اليابانيه يشاركون الكثير من المكونات لخفض التكاليف)
و اعتقد ان شركه كيا تستحق الشكر و التقدير