|
مقارنه بين الاجيال ( جيلنا و جيل دلوقتي )
في الموضوع ده يا جماعه هعمل مقارنه سريعه بي جيلنا ( جيل الشباب دلوقتي اللي في العشرينات و التلاتينات ) و جيل اخر زمن جيل دلوقتي ( جيل العيال اللي في المدارس و الشباب اللي لسه داخلين جامعه ) و نبدأ المقارنه
بسم الله الرحمن الرحيم
جيلنا كان بيدأ يومه من الساعه 6 او حتي 7 الصبح
جيل اخر زمن بيبدأوا يومهم الساعه 3 او 4 العصر
جيلنا كان بيروح المدارس 6 تيام في الاسبوع و من الساعه 7 الصبح في المدرسه
جيل اخر زمن بيروحوا المدرسه يومين تلاته في الاسبوع و ساعات بيروحوا من الفسحه
جيلنا كان بيذاكر دروسه اول باول و كان متفوق
جيل اخر زمن بيذاكروا اخر يومين قبل الامتحانات و ساعات كتير بيجيبوا ملاحق
جيلنا كان اخره في الشارع بعد العشا باين
جيل اخر زمن يومهم بيبدأ ساعات الساعه 2 بليل
جيلنا مكنش بيعرف بنات الا في الجامعه
جيل اخر زمن بيعرفوا بنات و يخرجوا كمان من اعداي
جيلنا مكنش يعرف يعني ايه عربيات الا لما كبرنا
جيل اخر زمن عارفين انواع العربيات و بيسوقوا كمان من اعداديه
جيلنا مكنش ايامه كمبيوترات و لا موبيلات
جيل اخر زمن من اعدايه ماسكين موبيلات و بيشيتوا كمان علي الياهو
سؤال يطرح نفسه :
ايه الاسباب اللي خلت العيال و الشباب و البنات في الجامعه بالمنظر ده ؟؟؟؟؟؟؟ مع ان الاهالي هي الاهالي و الفرق بينا و بينهم مش كتير للدرجه اللي تخلي المجتمع يتحول 180 درجه ؟؟؟؟؟؟؟؟
معلش يا جماعه لو طولت عليكوا و مستني ردودكوا
|