انتم فتحتم موضوع لا يعلم بيه الا ربنا . انا عاوز اجيب عربيه جديده وعمال أدبر فى تمنها مش عارف ومضطر ابيع العربيه القديمه ........... بس الأستاذه مش عاوزانى ابيع القديمه عاوزاها هى ........... طب يابنت الحلال ساهمى ولو بجزء صغير من تمن القديمه ..........لا والف لاا وفيها ايه لما تدينى العربيه ببلاش هو انت مش جوزى وهو مش انا ها اوديلك العيال بيها المدرسه ؟ وللعلم هى موظفه وما شاء الله عليها مابتدفعش مليم فى مصروف البيت ........ طب هى بتودى مرتبها فين ؟ أقول لكم هى بتحب العقارات يعنى جابت شقه(مش قاعدين فيها )وعاوزه تغيرها وتجيب حاجه أحسن . وفى النهايه تقولك ماهو كله لولادك .وبينى وبينكم العربيه القديمه مش هاين عليا أبيعها لسببين اولهما عشره عمر وثانيهم مش هاتجيب
قوى وثالثهم انها لو نقلوها من المدرسه وودوها حته بعيده وفكرت تجيب عربيه مستعمله مش هاتلاقى زى عربيتى . وفى نفس الوقت مشروع العربيه الجديده واقف على تمن العربيه القديمه ...... تعمل ايه لوكنت مكانى ؟