خيانة الشقيق
قالوا الجزايرى أخ وصديق
شقيق رفيق سكة وطريق
مد الأيادى لو كان غريق
ضحى بروحك وسط الحريق
دمك لدمه
وتشيل ف همه
تثور لذمّه
تفرح لسعده
تحزن لغمّه
لكن خيانة
يطعن ف ضهرك
بكل إستهانة
نسى المروءة 00نسى المكانة
داس العروبة 00ضيّع أمانة
بان الوضيع قزم ودميم
عدو سافر خبيث لئيم
ربك حكيم وسميع عليم
بالنوايا م البداية
فعل الخسيس
اللى بيعض الكريم
ويدوس على صبر الحليم
السكوت كان للكبار
على أفعال الصغار
قوة مش ضعف ومرار
شمس نور مش لهيب ونار
لكن تقرب تلقى الحريق
والوحش يطلع م البرىء
والقسوة من حضن الرقيق
ولما يعلى بينا الضيق
تلاقى شعب م الأحرار
جبينه نور عزه ومنار
وجنده جيش رهيب جرار
__________________
|