[طارق السباعي]

تجلس لتشاهد محطاتنا الفضائية ..تموت من الضحك .. ليه ؟؟المذيعون والضيوف كأنهم أمام حائط مبكي ..بكي عليه كبيرهم وصغيرهم وذرفت دموع أشتكت منها مناديلهم ..ياحرام!!
طبعا الأمر مايخلاش من شوية كلام من نوعية إحنا إللي علمنا ..ووكلنا وربينا .. هنا عندي سؤال .. هل نقبل أن تعايرنا أمريكا مثلا علي المعونة إللي بقالها 30 سنة ؟؟؟
بالمناسبة المولد ده هيخلص ومفيش حاجة هتحصل عشان محدش ينصدم إن مفيش حاجة حصلت ..
لأن لو عايزين حاجة تحصل ..كان علي الأقل عندما وقعت الأحداث أرسلت علي الفور (وكالة أنباء الشرق الأوسط ) (خبر عاجل ) لتثير إنتباه العالم وتأخذ الخبر عنها الوكالات العالمية مثلا ..لكن الخبر نشر أول مانشر عن طريق (عمرو أديب ) في برنامج (القاهرة اليوم ) وأعتمدت عليه كل وسائل الأعلام المصري ..بالمناسبة برنامج القاهرة اليوم لا يشاهده العالم ولا حتي العرب ..فبقي الموضوع محلي ..
أعود للقنوات الفضائية بدأت أصدق أن أساس المشكلة هو (الأعلام المصري ) ..وذلك لأننا في نفس اليوم أساء الأعلام المصري للسودان أيضا ...وتسبب في إستدعاء السودان للسفير المصري في الخرطوم لأبلاغ أستياء السودان مما نشر عنه في وسائل الأعلام المصري !!
كلمة أخيرة ..لو تركنا ..أحمدشوبير ..وخالد الغندور ..ومدحت شلبي ,,ومصطفي عبده إللي شتم الجزائر اليوم ورئيسها وشعبها اليوم بطريقة (خالتي فرنسا ) .. يمكن بعد سنتين تلاته تقطع تلات أربع دول علاقاتها مع مصر ..
الجماعة دول للأسف ..لعيبة كورة مثلا ..لكن أعلاميا (جمهور درجة تالته ) ..يكفي أنهم من أسبوعين بس كانوا شغلين تقطيع في بعض !!! لقد أساءوا للقنوات التي يعملون بها ..وأساءو لمصر كثيرا كالدبه التي قتلت صاحبها ..بـــ (جهلها )