شكرا لطرحك الموضوع يا صقر باشا...
الصراحه انا عمري ما ندمت علي عربيه ركبتها او اشترتها
يعني ال 132 ال2000 كبرت و كانت قدامي و اتربيت معاها
و كان بينا علاقه حب و لا تنافسها ايب سياره ايا كانت في حبي لها ابدا
و كان معانا ال125 مش حقولك ندمان عليها لكن كانت قديمه و رغم كده مكنتش بتكسفني
و البيجو ال 505 كنت معجب بيها جدا و فرحان جدا انها معايا و كانت اول عربيه من اختياري
و لحد انهارده اي عربيه تدخل البيت تبقي من اختياري برضه و الحمد لله
السوزوكي سويفت جبتها ايام ما كنت بسافر الامارات و كنت بحبها لكن لحد ما بدأت تقل باصلها
كنت خلاص زهقت منها و مش عاوز اركبها.
الياريس اللي معانا دلوقتي انا اللي اخترتها من بين 10 موديلات مختلفه و برضه مش ندمان
اللانسر الكريستاله عمري ما فكرت فيها رغم ان كان بيعجبني شكلها من ورا اوي و لقيت العربيه دي بالصدفه
و انا خلاص كنت حشتري بونتو زيرو و فضلت العربيه دي لان الموديل دا بالذات بحبه.
العربيه اللي ندمت اني ما اخدتهاش بصراحه كانوا تلاته
و التلاته كانوا 132 2000 و كانوا جايين في سنه واحده بعد ما اتباعت ال132 اللي كانت معانا بسبب عنادي مع والدي
و احساسه ان العربيه دي حتموتني من كتر الجري و اللي كنت بعمله فيها
واحده منالتلاته كانت بتاع خالي و كانت سماوي اخت اللي كانت معانا و الاتنين التانيين كانوا ذهبي
و كانت واحده منهم مرفوعه و حالتها زيرو و اتوماتيك و تكييف و كانت جايه من الكويت و كتالوجاتها فيها!!!!
دي فعلا لو كنت اخدتها كان زمانها معايا لحد انهارده عمري ما كنت بعتها ابدا .
اما بالنسبه لعربيه احلامي في خلال خمس سنين يبقي الفيات برافو ان شاء الله او احدي موديلات الفا روميو
و لما ربنا يكرمني يبقي بي ام الفئه الثالثه و بعدين مرسيدس الفئه e
قول يا رب