السلام عليكم ورحمة الله وبركاته
بفكر فى بيع العربيه بس صعبانة عليا اوووووووووووى
عمرها ما عطلت منى فى طريق ولا كسفتنى
لأنى أول ما اشترتها شدتها سمكره ودوكو وتعديل زجاج الابواب مثل النوفا وعفشه وفرن معدل للمكنة وشكمان جديد وظبت تكيهات وتظبيت ريداتير ومياه خضرا فى الريداتير وطقم لباد تحت الدوسات الأصليه وبعدها ركب طقم دوسات جلد فى الأرضيه علشان يعزل الحراره
العربيه ناعمه واهل بيتى كل شويه يقولولى حرام
لكن زملائى فى الشغل كل شويه يقولولى اركب حاجه مكيفه "لانوس ولانوبيرا" تكيف وبرستيج شويه عن 128 وكل شويه واحد يوقفنى يقول بتبيع اقوله لا
وانا محتار من امرى والله العربيه ناعمه وملهاش صوت وانا ظبتها على ايدى وايدى فيها لو مسمار اظبته فى سعتها مبحبش اكوم الاعطال على بعضها
ومش عارف ابيع ولا اخليها هى معايا بقالها 3 سنين ونصف