[kj1]

المشاركة الأصلية كتبت بواسطة nktis منقول كان فيه شاب عنده 22 سنة بس حرامى هجام فى مرة طلع على ماسورة وكسر حتة من الشيش بس ما كانش متوقع إن فيه ناس فى الشقة .. صاحب الشقة قام على صوت كسر الشيش وراح فاتحه يشوف إيه اللى عمل الصوت ده .. الشيش وهو بيتفتح خبط فى الشاب الحرامى، فإختل توازنه ووقع من الدور الرابع ميت .. فجأة الناس إتجمهرت فى الشارع، وأصوات ثائرة بتصرخ .. .. الاخوان (ساخرين ) : ــ شفتم السيسي وصلكم لايه السلفيين : السرقه حرام والراجل صاحب الشقه غلطان شاب ثورى 1 : طبعاً حيقولوا لك دلوقت "وهو إيه اللى طلعه على المواسير" على نغمة "وهم إيه اللى وداهم هناك ؟!" شابة يسارية : أنا فاهمة إن اللى فتح الشيش صاحب البيت .. لكن مش ياخد باله وهو بيفتحه ؟ مش يمكن فيه حد على المواسير !!!! شاب ثورى 2 : الدم كله حرام شابة ثورية 1 : حنفضل لحد إمتى فى الكوارث اللى بتحصل دى؟ ليه الشاب ده يموت؟ مش مهم كان رايح يعمل إيه ... إنتم مش عارفين يعنى إيه أرواح شباب بتروح؟ شاب ثورى 3 : وهو يعنى كان شاف بطاقته ولقى مكتوب فيها إنه حرامى؟ شاب تويتاوى ماسك سمارت فون كتب هاشتاج: ‫كلنا_هجامين‬ شابة ثورية 2: معقول جزاء اللى يكسر حتة من الشيش إنه يتقتل؟! ليه الدم رخيص؟! شابة ثورية 3: حق الشهيد مش حيضيع .. نحتسبه عند الله شهيداً شاب فيسبوكى عمل صفحة سماها: حق متسلق المواسير مش حيطير شاعر ثورى كتب قصيدة مطلعها: آه يا بلد بقى فيكى قرش الحشيش أغلى من دم الولد الـ كسر الشيش