كهرباء النترا 2012
 

العربيه مفيهاش انزار ولا وحدات رفع ونص الفانوس الخلفى مش منور
حبيت اعمل الحاجات دى واركب زينون
روحت مركز خدمه معتمد
قالي المهندس اوعى تركب اي حاجه لان البورده بتاعه الكمبيوتر هتتحرق الاحمال بتكون بالظبط ولو حملت اي حاجه حتى جهاز الانزار هتتحرق البورده ودى ب 4000 جنيه
الحل ايه هل فيه جهاز ممكن يديى كهرباء بدون تحميل علي البورده دى
حد عنده علم بالموضوع ده ؟

رد: كهرباء النترا 2012
 

فيه واحد في المنتدي هنا نور الفانوس اللي ورا كله و ما حصلش حاجه. و بردو وحدات الرفع مش هتفرق لأنك بتشغل زجاج الكهربا اللي هو أصلا متحمل. الزينون بقي مش عارف لأن فيه ناس ركبتو و حرق دراع النور و فيه ناس مركباه و عادي زي الفل. و الله الموفق. و أبقي عرفنا عملت ايه عشان نستفيد بردو. بس حط في بالك ان العربية لو وكيل هتطلع كل الكهربا من الضمان.

رد: كهرباء النترا 2012
 

اه هي العربيه وكيل ويارتنى جبتها خليجى
الخليجى كانت ارخص وجنوط وفرامل الخلفية سكاكين
بس الحمد لله علي كل شيىء كلامك مقنع بالنسبه للزجاج الكهرباء بس خايف
انا اول حاجه اعملعا انور الفانوس الخلفى ان شاء الله

رد: كهرباء النترا 2012
 

كل حاجة تنفع وليها الف طريقة
ايا كانت نوع العربية
بس العربية هتبقى طالق من الضمان

وبخصوص البوردة امو 4000 بتتصلح وتشتغل عادى
الزينون ما لوش علاقة بحرق البوردة
لكن ممكن اثناء التركيب او التجربة تحصل قفلة على خط كهرباء الزينون نفسه تقوم تسمع فى البوردة تحرقها
وده مجرد حادث عرضى قد يحدث او لا
والمهارة والسر فى ايدين اللى بيوصل ويركب
اخوك غاوى كهرباء فى العربيات الحديثة خصوصا

رد: كهرباء النترا 2012
 

طب ممكن اسالك سؤال
هو انا لو جبت abs ازاى العربيه قصدى الكمبيوتر بتاع العربيه هيتعرف عليه ولا لازم اغيره ولا ممكن اعدل البرمجه