|
صوت اللانوس
أرجو الاستشارة من خبراء المنتدى .... معايا لانوس 2007 وانا بدور العربية الصبح بلاقى صوت المكنة عالى شوية ثم بمجرد الانطلاق بالعربية والمشى بيها الاقى الصوت هدى ... فهل هذا طبيعى ولا فى حاجة... وسؤال آخر عن الصوت .. انا عندى الشكمان تقريبا فيه تسريب لأنى بحس وانا سايق ان الصوت عندى فيه زنة وبعدين لما انزل واضع يدى على ماسورة الشكمان من الخلف لاكتم الهواء ثم اتركها لا أجد اى اندفاع للهواء...يعنى ما مدى تاثير الشكمان على الصوت والسيارة بشكل عام ... أرجو الاجابة وشكراااا للمنتدى الغالى |
رد: صوت اللانوس
طبيعى صوتها بيبقى عالى لما تكون باردة عن لما تبتدى تسخن
لو صوت الزنة مش مضايقك يبقى مفيش مشكلة لكن لو عايز تعرف سببه يفضل الذهاب لمتخصص شاكمانات ممكن تكون احد العلب او علبة البيئة بس مفيش ضرر |
رد: صوت اللانوس
شكرااااااا للأخ الغالى أحمد على على الرد...
هو بس صوت الزنة مش عالى ولا حاجة بس انا كنت عايز اطمن ان مفيش ضرر لحد ما اروح لمتخصص شكمانات واشوف العلب .. بس سؤال تانى بعد اذنك ... مش عارف ليه وانا سايق العربية بحس ان الدواسات تقيلة شوية يعنى مثلا بدال البنزين لازم اضغط زيادة عشان تجرى وكمان وانا فاتح الزجاج بحس ان الصوت عالى عن ما انا قفله... يعنى مش عارف ده عادى ولا انا طريقة سواقتى محسسانى بكده .... شكراا لك ... ومستنى ردك |
رد: صوت اللانوس
أرجو الرد من الاخ أحمد على ... وشكراااااااا
|
رد: صوت اللانوس
فى فرق ان الدواسة تقيلة بمعنى انك تضغط جامد عشان تتحرك اصلا و فى فرق انها طبيعية الحركة بس استجابة العربية متاخرة
و الله اعلم انا حاسس ان استجابة عربيتك طبيعية لان اللانوس طبيعى استجابتة تقيلة مش زيى الفيرنا و حكاية الشباك و الصوت ديى اكيد منطقية خاصة ان برضه الصوت العالى طبيعة اللانوس فى رايى جرب تسوق لانوس تانية ممكن تقدر تقارن و تعرف هل العربية عندك طبيعية و لا اقل من المطلوب |
| الساعة الآن 01:00 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017