كتالوج تويوتا مارك II (كريسيدا) 1998
 

تويوتا مارك Mark II هو الاسم الأصلي لتويوتا كريسيدا

ومازالت تنتج حتى الآن تحت اسم مارك Mark X في اليابان

لقيتلكم كتالوج المبيعات الخاص بمارك II لسنة 1998 من موقع تويوتا الياياني

http://1.1.1.3/bmi/img.favcars.com/t...i_1998_1_b.jpg
http://1.2.3.4/bmi/upload.wikimedia....rk_II_rear.jpg

الكاتالوج بالياباني !!! بس الصور لوحدها كفاية... لإن كمية التجهيزات الموجودة في العربية غير طبيعية

وده اللينك لملف الـpdf وحجمه حوالي 26 ميجا
http://web-cache.stream.ne.jp/www09/...2-3_199808.pdf


واللي عايز ينزل كتالوجات أكتر... ممكن يدخل على موقع تويوتا الياباني (يفضل باستخدام جوجل كروم عشان الترجمة التلقائية)
عنوان الموقع: http://toyota.jp

ولو عايز تعرف آخر موديلات تويوتا الحالية... ادخل على اللينك ده
http://toyota.jp/carlineup/index.html?ptopid=men




...

رد: كتالوج تويوتا مارك II (كريسيدا) 1998
 

موضوع جميل بس لية استفسار
انا اعرف ان الكيرسيدا انتهى عام 94 وحل محلها الكامرى
طب اية الشكل الاخير للكيرسيدا 98 معرفهوش
لا تتخيل انا بحترم العربية دى اد اية .........عربية فعلا ما بتعطلش وعلى ما هى كبيرة فى الحجم وفيها ثبات غير عادى انما لو حاولت تعمل مناورات بيها هاتحس انها مطيعة جدا واكنها ريشة فى ايدك
تكيفها مش موجود فى اى عربية تانى حتى على المكنة الصغيرة الـ 2000 سي سي
موجود معانا عربيتين كرسيدا بجد ما تعرفش العربية دايرة الا لما تدوس بنزين

رد: كتالوج تويوتا مارك II (كريسيدا) 1998
 

أنا كان معايا كريسيدا 82 .. هي أصلا بتاعة والدي بس هو لما حب يغير قلتله أنا عايز الكريسيدا لإني بحبها جدا... ويوم ما بعتها حسيت إني فقدت حاجة غالية جدا، لإن ليها ذكريات جميلة جدا معايا

أكيد اللي ركب الكريسيدا وبيحاول يركب حاجة تانية مش سهل عليه أبدا يقبل بأي حاجة، خصوصا إن توازنها عالي قوي زي ما حضرتك قلت، وسهولة سواقتها والفخامة اللي فيها... وموضوع الموتور اللي يدوب تسمعه وهو داير ده حقيقي فعلا... بس لما بيشتغل بجد... بيبقى جبار.



الكريسيدا لسه بتتعمل لحد دلوقتي... بس بتتباع في اليابان وبعض أسواق الشرق الأقصى فقط... بس اسم كريسيدا بس هو اللي اتوقف، والميزة الأساسية فيها إنها لسه دفع خلفي لحد دلوقتي، ده غير الفخامة الخيالية اللي فيها اللي بتحسسك إنها جاية من الفضاء.

الكريسيدا ده مجرد الاسم التجاري (في أمريكا والشرق الأوسط) لنفس العربية اللي إسمها مارك II (مارك 2)، وساعات كان إسمها تشيسر Chaser... وغيروا اسمها حاليا وبقى إسمها مارك X (على فكرة X باللاتيني يعني 10)

بعد ما الكريسيدا اتوقفت نزل بعدها خمس أشكال جديدة... آخرها نزل في 2009، ومتوقع يتغير سنة 2013

دي صفحة المارك II على ويكيبيديا: http://en.wikipedia.org/wiki/Toyota_Mark_II

ودي صفحة المارك X على ويكيبيديا: http://en.wikipedia.org/wiki/Toyota_Mark_X#X120

ولو عايز تشوف آخر موديل مارك X حاليا ادخل على موقع تويوتا الياباني في الصفحة دي: http://toyota.jp/markx/index.html



...

رد: كتالوج تويوتا مارك II (كريسيدا) 1998