مصر موتورز مجتمع السيارات - رعشة فى الدريكسيون و هزه فى الفرامل و العربية بتحدف يمين و الدريكسون تقيل شمال

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

رعشة فى الدريكسيون و هزه فى الفرامل و العربية بتحدف يمين و الدريكسون تقيل شمال

السلام عليكم
كنت مسافر على طريق المنصورة المهم كنت ماشى على 100 الى 120 كدة لحظت فى رعشة فى الدريكسيون كدة مع العلم ان الاسفلت وحش قوووى و مش عدل خالص فهل دة ممكن يكون من الطريق و الا دة ترصيص فى العجل اللى قدام
ثانيا :و انا مسافر بردة تقريبا كل 5 كيلو فيه مطب صناعى فكل ما ادوس فرامل و ببقى مريح العربية و دايس قبلها بفترة طويله بلاحظ رجة كبيرة قوووى فى الجزء الامامى من العربية و الدريكسيون بيتهز جامد جدااا و حاسس ان الجزء العربية الامامى بيرقص منى جامد.
ثالثا: العربية بتحدف منى يمين جامد مع العلم انى لسة ضابط زوايا
رابعا :الدريكسيون بيبقى خفيف قوووى و انا بكسرة العجل كلة يمين اما لو شمال بيبقى تقيل قووووى مع العلم انى لسة مربط العفشة و العفشجى قلى العربية كويسة و العفشة تمام؟
معلش وجعت دمغكم و مستنى مسعدتكم؟

رد: رعشة فى الدريكسيون و هزه فى الفرامل و العربية بتحدف يمين و الدريكسون تقيل شمال

اقتباس:

المشاركة الأصلية كتبت بواسطة michaelmic (المشاركة 773463)

السلام عليكم
كنت مسافر على طريق المنصورة المهم كنت ماشى على 100 الى 120 كدة لحظت فى رعشة فى الدريكسيون كدة مع العلم ان الاسفلت وحش قوووى و مش عدل خالص فهل دة ممكن يكون من الطريق و الا دة ترصيص فى العجل اللى قدام
لو الاهتزاز بطريقة منتظمة وبيجى على سرعه معينة يبقى ترصيص

ثانيا :و انا مسافر بردة تقريبا كل 5 كيلو فيه مطب صناعى فكل ما ادوس فرامل و ببقى مريح العربية و دايس قبلها بفترة طويله بلاحظ رجة كبيرة قوووى فى الجزء الامامى من العربية و الدريكسيون بيتهز جامد جدااا و حاسس ان الجزء العربية الامامى بيرقص منى جامد.
دى مشكلة طنابير و ممكن حل المشكلة فى المخرطة او استبدالهم باستيراد

ثالثا: العربية بتحدف منى يمين جامد مع العلم انى لسة ضابط زوايا
لو بتحدف مع ضغط الفرامل يبقى فى ماستر فرامل عايز يتنضف او يتغير
ممكن يكون ضغط الهوا فى احدى الكوتشات اقل بس الحدفة بتبقى مش باينة
رابعا :الدريكسيون بيبقى خفيف قوووى و انا بكسرة العجل كلة يمين اما لو شمال بيبقى تقيل قووووى مع العلم انى لسة مربط العفشة و العفشجى قلى العربية كويسة و العفشة تمام؟
ممكن الحشو بتاع الاسكاترا عايز يتغير وومن يكون دة سبب حدف العربية

معلش وجعت دمغكم و مستنى مسعدتكم؟

الرد داخل الاقتباس باللون الازرق
والله اعلى واعلم

رد: رعشة فى الدريكسيون و هزه فى الفرامل و العربية بتحدف يمين و الدريكسون تقيل شمال

الاستاذ صالح قال كل حاجة فعلا كان عندى حدفة فى الفرامل وعملتها لو بتحدف شمال يبقى ماستر العجلة اليمين والعكس صحيح وبالنسبة للر عشة فى الطوالى تبقى ترصيص

رد: رعشة فى الدريكسيون و هزه فى الفرامل و العربية بتحدف يمين و الدريكسون تقيل شمال

قالوا كل حاجة باستفاضة وزيادة

المختصر المفيد

افحص مجموعة التوجيه

افحص مجموعة الكبح

وهتتحل المشكلة

رد: رعشة فى الدريكسيون و هزه فى الفرامل و العربية بتحدف يمين و الدريكسون تقيل شمال

اقتباس:

ثالثا: العربية بتحدف منى يمين جامد مع العلم انى لسة ضابط زوايا
لو بتحدف مع ضغط الفرامل يبقى فى ماستر فرامل عايز يتنضف او يتغير
ممكن يكون ضغط الهوا فى احدى الكوتشات اقل بس الحدفة بتبقى مش باينة

تصحيح لخطأ مطبعى
المقصود هو( بستم ) احد الاطارات الجانبية