|
اوبل فكترا 95 عايزه رأيكم فيها
بصراحه وبعد الحيرة فكرت وقولت اخد رأى الناس هنا لانهم خبرة جدا ومابيبخلوش على الواحد بالنصيحه انا محتاجه عربيه جدا جدا وفلوسى كلها على بعضها 30 الف ومعروضه عليا اوبل فيكترا موديل 95 تكييف وباور وسنتر لوك واتوماتيك وفيها ABS وفيها كمان مشاكل كتير اهمها انها محتاجه سمكره كلها من اولها لاخرها والتكيف احتمال يكون بايز وعايزه عفشه اماميه ومن جوه محتاجه يتغيرلها الفرش معروضه عليا ب 25 الف والمفروض انا هاصرف عليها من 3 ل 5 الاف هى موتورها 2000 سى سى وانجكشن وشغال بنسبة 75 % وفتيسها كويس بردو والحوض بتاعها نضيف وكويس انتوا شايفين انها تستاهل 25 الف وان 5000 قادرين انهم يخلوها عربيه كويسه مع العلم انى فى عرض عربيه لانى شغاله فى مطار القاهر وساكنه فى اكتوبر وتعبانه جدا فى الموصلات ومش هالاقى عربيه ب 30 وحالتها كويسه واتوماتيك وبتكييف ودوخت كتير لدرجه ان 128 كانوا بيتعرضوا عليا ب 24 الف ،بس فى نفس الوقت خايفه منها وانتوا اهل خبره اكتر منى فأيه رأيكوا ؟ |
رد: اوبل فكترا 95 عايزه رأيكم فيها
هو انا مقدرش ارشد حضرتك على حاجة لأني لست اهل خبرة و لكن مع احترامي انها اوبل و الماني و الكلام دة كلة اخاف من الاتوماتيك القاديم لو كانت مانويل كانت تبقى كويسة و اعتقد ان 2000 cc حتسحب معاك جامد و ضرائب التجديد للرخصة حتبقى كتير شويا تقريبا و 5000 اعتقد ان المشاكل الفيها تتكلف اكتر من 5000 و اكرر لحضرتك اني لست اهل خبرة دة رأي شخصي فقط و فية ناس متخصصة اوي هنا ان شاء الله ترد عليك و بالتوفيق ان شاء الله
|
رد: اوبل فكترا 95 عايزه رأيكم فيها
شكرا لاهتمامك :)
|
رد: اوبل فكترا 95 عايزه رأيكم فيها
بلاش اوبل فيكترا.....و هتحتاج مصاريف كتير و حجمها كبير....حضرتك ممكن تجيبى عربية صغيرة ذى اوبل كورسا-فولكس بولو-هيونداى اكسنت....العربيات دى بناتى و صغيرة و رخيصة......
|
رد: اوبل فكترا 95 عايزه رأيكم فيها
يا جماعه لاحظوا انى ماعنديش اختيارات كتير ماعييش فلوس من الاخر ... هى اتعرضت عليا بالصدفه كده وكمان ولا اى حاجه من دول هاعرف اخدها ب 30 وتكون اتومتيك؟؟ انا مقدره طبعا غرض حضرتك فى مساعدتى وانما انا مش عايزه اقتراحات لان مساحه اختارى محدوده جدا ولو على الكر انا ماعنديش مشكله فى الحجم ولا الشكل البناتى انا عايزه حاجه مريحه اتوماتيك تودينى وتجيبنى وتكون بتكييف عشان ايام الصيف العصيبه وكبيرها ب 30
|
| الساعة الآن 08:42 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017